Ferizaj

Anulohen vendimet për lokacionin e Spitalit

Published

8 years ago

31 May, 2018

Vendimi për ndërrimin e lokacionit të Spitalit rajonal të Ferizajt, sërish ra në duart e anëtarëve të Kuvendit Komunal të Ferizajt, pasi që Ministria e Mjedisit dhe Planifikimit Hapësinor, ka vlerësuar se vendimi i marrë më 30 mars të këtij viti, është në kundërshtim me dispozita ligjore. Edhe pse as drejtues të pushtetit nuk gjetën formulim të saktë se çfarë dëshironin të bënin, drejtori i Urbanizmit Lulzim Aliu, tha se këtu s’ka nevojë të ndryshohet asgjë, veçse vullneti i kryetarit Agim Aliu ka bërë që kjo shkresë e Ministrisë të dalë në Kuvend, duke shprehur edhe njëherë potpuri kritikash në adresë të Ministrisë së Mjedisit.

Në anën tjetër, anëtarë të Kuvendit shprehën frikën që ky projekt madhor për qytetin do të humbet fare, për shkak që pushteti lokal po sfidohet nga ligjet në fuqi.

Por, frikën që Ferizaj mund të mbetet pa spital ua hoqi drejtori Lulzim Aliu, duke thënë se pavarësisht procedurave që kërkohen nga niveli qendror, ndërtimi i Spitalit të Ferizajt do të nis brenda pak ditësh.

Pas gjithë këtij debati, kuvendarët ferizajas anuluan të gjitha vendimet që kanë të bëjnë me lokacionin për ndërtimin e Spitalit rajonal të Ferizajt.

Ferizaj

Gjobitet me 500 € për ndezje zjarri në Sojevë të Ferizajt

Published

5 days ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 weeks ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

2 weeks ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.