Ferizaj

LVV e Ferizajt shpall zgjedhjet për kryetar partie

Published

8 years ago

05 June, 2018

Lëvizja Vetëvendosje në Ferizaj, nga sot ka filluar procesin e zgjedhjeve të brendshme për kryetar të kësaj partie në këtë qytet. Për t’i shpallur zgjedhjet brenda partiake, në Ferizaj erdhi edhe deputetja Fitore Pacolli, e cila tha se Vetëvendosje synon që të instalojë demokraci dhe vlera brenda partisë.

“Nga sot qendra e Lëvizjes Vetëvendosje në Ferizaj do të fillojë me zgjedhjet e brendshme për kryetar të kësaj qendre. Si Vetëvendosje jemi duke punuar intensivisht në të gjitha qendrat e Kosovës në mënyrë që të konsolidojmë dhe të thellojmë demokracinë e brendshme dhe të fuqizojmë qendrat e Lëvizjes në të gjithë Kosovën. Tani duke parë që qeverisja komunale në Ferizaj nuk po i përmbush pritjet e qytetarëve atëherë Lëvizja Vetëvendosje duhet të fuqizohet edhe më tepër dhe të bëhet njëra ndër partitë opozitare dhe njëra e cila shpien drejt një qeverisje më të mirë për qytetin”, tha Pacolli.

E pyetur nga gazetarët se sa do ta dëmtojnë Lëvizjen Vetëvendosje dorëheqjet e që u bën nga ky subjekt pak kohë më parë, Pacolli tha se ato ikje nuk ndikojnë aspak në dobësimin e Vetëvendosjes.

“Në Lëvizjen Vetëvendosje nuk ka pasur ndarje, por ka pasur ikje të një grupi të vogël të aktivistëve dhe kjo nuk i ka dëmtuar aspak qendrat tona, ne jemi duke punuar intensivisht që të konsolidojmë demokracinë dhe që t’i fuqizojmë qendrat tona edhe më tutje, ne tashmë i kemi sondazhet të cilat tregojnë se Vetëvendosje mbetet e fortë në terren, pra mbetet ndër partitë kryesore dhe se këto ikje nuk e kanë dëmtuar aspak përkrahjen e qytetarëve të Vetëvendosjes dhe kështu që besojmë që matja e vërtetë do të jetë në zgjedhjet lokale e qendrore. Lëvizja Vetëvendosje po bën presion mbi qeverinë që të shkojmë në zgjedhje për shkak se tani kemi qeverisje të pakicës dhe kjo qeverisje nuk ka legjitimitet të qeverisë me vendin dhe kur shkojmë në zgjedhje atëherë kjo do të jetë matja jonë e vërtetë që do ta bëjmë”, tha Pacolli.

Ndërsa, Alban Bajrami nga Lëvizja Vetëvendosje në Ferizaj, tregoi procedurat që do të ndiqen gjatë këtyre zgjedhjeve, derisa tha se ende nuk ka ndonjë anëtar që e ka shpallur kandidaturën.

“Procesi i shpalljes së kandidaturave fillon nga sot data 5 – 9 qershor kur dhe do të përfundoj procesi i shpalljes së kandidaturave, ata anëtarë që janë të interesuar për ta shpallë kandidaturën formularin duhet të vijnë ta marrin në zyrën e VV-së në Ferizaj, po ashtu nga data 16-29 qershor do të jetë fushata e hapur demokratike që do të organizohet për kandidatët e saj, data 30 është heshtje zgjedhore kurse data 1 korrik është dita e votimit, ndërsa votimi do të jetë një anëtar një votë, ku të gjithë anëtarët aktivistët kanë të drejtë të marrin pjesë në zgjedhjen e kryetarit të qendrës së LVV-së në Ferizaj’’, u shpreh Bajrami.

Lëvizja Vetëvendosje në Ferizaj ka më shumë se një vit që nuk ka kryetar, pas dorëheqjes së Bashkim Misinit, i cili së fundmi udhëhoqi me këtë parti për pak muaj.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar