Ferizaj

Drejtoria e Arsimit synon reduktimin e nxënësve nëpër paralele

Published

8 years ago

07 June, 2018

Në kuadër të paraqitjeve publike që po i bëjnë drejtorët komunal, sot një konferencë me gazetarë e mbajti drejtori i Arsimit në Ferizaj Afrim Llabjani. Duke i numëruar arritjet, që sipas tij, ky pushtet i shënoi gjatë këtij gjysmëvjetori të qeverisjes, Llabjani tha se pushteti i PDK-së ka filluar t’i qes punët në binarë. Me këtë rast, ai si projekte më të rëndësishme përmendi miratimin e Planit Zhvillimor të Arsimit, miratimin e rregullores për të drejtat e fëmijëve, transparencën për shpalljen e konkurseve, respektimin e kontratave kolektive e disa të tjera.

“Kemi marrë vendim që t’i miratojmë të gjitha kërkesat e mësimdhënësve të cilët janë pensionuar, kjo vlen prej vitit 2018, që të gjithë ata që janë pensionuar mos të sorollaten rrugëve për t’i ndjekur procedurat ligjore por ne tashmë jemi në fazën finale për ta gjetur formën e pagesës së këtyre tri pagave përcjellëse të përcaktuara me kontratën kolektive. Po ashtu kemi nënshkruar edhe disa memorandume që kanë të bëjnë me arsimin profesional të nxënësve si dhe ngritjen e kapaciteteve për arsimin gjithëpërfshirës”, tha Llabjani.

Derisa Llabjani tregoi për arritjet që ka shënuar si drejtori, ai njoftoi edhe për synimet që ka ky pushtet për muajt e ardhshëm. Njërin ndër vendimet më të qëlluara ai e konsideron reduktimin e numrit të nxënësve nëpër paralele, vendim ky që do të nis të zbatohet prej shtatorit të këtij viti.

“Ne bashkë me kryetarin e komunës Agim Aliun kemi vendosur që të bëhet regjistrimi i nxënësve vetëm nga 28 nxënës për paralele, padyshim që ky është vetëm një nga kushtet për ngritjen e cilësisë në mësimdhënie, por edhe i krijimit të mundësisë së nxënësve për t’iu kthyer shkollave profesionale, gjë që kemi pasur deri më tani ngecje”, tha Llabajni.

I pyetur nga gazetarët se a ka pasur helmime të disa nxënësve të shkollës “Jeronim de Rada” gjatë një shëtitje nëpër Kosovë ditë më parë, drejtori i Arsimit tha se nuk është i njoftuar për këtë ndodhi.

“Ne realisht kemi diskutuar edhe çështjet e ekskursioneve ku kam kërkuar që të respektohet udhëzimi administrativ i cili e rregullon aktivitetin jashtë kurrikular, përndryshe sa i përket kësaj çështje unë s’kam marrë asnjë informacion nga shkolla për helmimin e tyre”, tha Llabjani.

Gjatë këtij takimi me gazetarë, drejtori i Arsimit në Ferizaj si sfidë në këtë sektor e konsideroi mungesën e buxhetit të pamjaftueshëm për shkak të proceduarve të përmbarimit.

Ferizaj

Gjatë qershorit në Ferizaj janë konfiskuar 74 motoçikleta

Published

22 hours ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

4 days ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

4 days ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.