Ferizaj

Shënohet Dita e Çlirimit të Ferizajt

Published

8 years ago

12 June, 2018

Qindra qytetarë, familjarë dëshmorësh, zyrtarë institucional e partiak, nderuan me homazhe dëshmoret e kësaj ane në Ditën e Çlirimit.

Pas homazheve tek varrezat e qytetit, organizuar nga komuna e Ferizajt në teatrin e qytetit u mbajt një akademi solemne, me ç’rast u përkujtua lufta e sakrifica shekullore për këtë ditë të lirë që sot shënon Kosova.

Kryetari i komunës së Ferizajt Agim Aliu, tha se detyra jonë pas luftës ishte shumë sfiduese në ndërtimin dhe konsolidimin e shtetit, por sipas tij, 19 vjet pas lufte Kosova shënoi shumë suksese e rezultate.

“Por gjatë kësaj kohe patëm dhe kemi ende sfida të mëdha përpara, ballafaqohemi ende me pengesa jo humane nga fqinji ynë verior dhe aleatët e tij, duke mos përjashtuar edhe mungesën e një konsistence të brendshme here pas here në rrugëtimin tonë të pritur. E dimë qe kemi nevojë për përgjegjësi dhe seriozitet më të shtuar në konsolidimin e shtetësisë sonë dhe jemi të gatshëm për të shtuar energjitë tona në këtë drejtim. Komuna jonë brenda këtyre 19 vjetëve ka parë një transformim të hovshëm, qyteti që po njeh ritme të shpejta zhvillimi dhe transformimi në njërën nga qendrat më atraktive në të bërit biznes dhe të cilësisë së jetës. Të gjithë parametrat flasin që Ferizaj po shndërrohet në qendrën më të kërkuar në vend për zhvillimin e aktiviteteve biznesore, prandaj ne po punojmë që ta bëjmë Ferizajn një qytet mirëpritës, të qëndrueshëm, efikas në procedura dhe të përgjegjshëm në ofertat zhvillimore jo vetëm për katër vitet në vijim, por për 50 vjet me radhë”, tha Aliu.

Ndërkaq, kryetari i Organizatës së Veteranëve të UÇK-së në Ferizaj Rafiz Sejdiu, përshkroi rrugëtimin e bërë drejt lirisë të të gjithë atyre që i dolën në ballë armikut. Ai u shpreh se Kosova gjithë këto vjet pas lufte ende nuk ka arritur t’i përmbush të gjitha pritjet që kishin të rënët për liri. Madje, pati edhe kritika drejtuar vendorëve.

“Përkundër shumë arritjeve, klasa politike në vendin tonë ka pasur dobësitë e saj. Veprimet në Parlamentin e Kosovës herë me gazë e herë me molotov sikur ngadalësuan pranimin e Kosovës në mekanizma ndërkombëtar, siç është UNECSO e pa dyshim si pasojë e tërë saj është edhe mosliberalizimi i vizave. Pra, Kosova mbeti e izoluar për teke të disa individëve në politikë, ketë populli i Kosovës nuk do ta falë. Ne si veteranë të UÇK-së vlerësojmë mbështetjen që na ka ofruar shteti i Kosovës për rehabilitimin e shëndeteve të veteranëve, mbështetje që ka qenë më se e nevojshme por që ka munguar në vitet e fundit”, tha Sejdiu.

Pas pjesë foljore, në këtë akademi solemne ku si rrallë here kishte mysafirë të shumtë si nga pozita e opozita, u shfaq edhe një program i begatshëm kulturo-artistik, me këngë të ndryshme nga kori i qytetit dhe i shkollës së mesme të muzikës “Çesk Zadeja”.

Ferizaj

Siguria juaj fillon me zgjedhjen e duhur të sigurimit

Published

2 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.