Ferizaj

Dy familje ferizajase bëhen me shtëpi të reja

Published

8 years ago

14 June, 2018

Në prag të festës së Fitër Bajramit familjet Hasani dhe Tuniqi në Ferizaj, të cilat jetonin në kushte jo të mira ekonomike, kanë përfituar shtëpi të reja falë kontributit financiar që ka dhënë kompania “Eli-Ab” dhe aktivitetit të shoqatës humanitare “Feniks”. Në natë feste, këta familjarë nuk gjejnë fjalë për të falënderuar të gjithë ata që i bënë me shtëpi, derisa tregojnë se në shtëpitë e vjetra e kanë pasur shumë të vështirë të bëjnë jetë normale.

“Valla kushtet i kemi pas boll të vështira, shtëpia me vllagë, me ujë, kurrë s’jena kanë të qetë. Janë kalbë teshat në orman, jeta është qysh mos, por ne i falënderojmë shumë të gjithë ata që kontribuuan e na qitën në selamet. Zoti i ruajt nga çdo rrezik, na s’mundemi kurrë me ua kthy por Zoti inshallah ju ndihmon”, tha Shefkide Hasani.

“Po ndihem shumë mirë, i falënderoj pronarët e ‘’Eli Ab’’-it që patën rahmet e na ndihmuan për këtë shtëpi, po ashtu dhe bacin Milaim që nuk po ndalet e po punon si bleta, i bëri shumë njerëz skamnorë me shtëpia”, tha Isak Tuniqi.

Ndërkaq, aktivistë të shoqatës “Feniks” thanë se këto dy familje kanë jetuar në kushte rënda të rënda dhe janë përzgjedhur nga donatori për t’u ndihmuar.

“Shoqata ‘’Feniks’’ e ka një kënaqësi shumë të madhe kur sheh këta nevojtarë që u bënë më kulm mbi kokë dhe ne si shoqatë arritëm që përmes donatorëve të kontribuojmë që së paku në këtë ditë feste t’i buzëqesh fytyra edhe dikujt që deri më sot nuk i ka buzëqesh. Unë jam falënderues shumë shumë i madh edhe për’’Eli-Ab’’-in, por edhe për televizionet që na përcollën dhe informuan për çdo rast që ne kontribuuam”, tha kryetari i shoqatës ‘’Feniks’, Milaim Jashari.

Nga fillimi i vitit 2018, shoqata humanitare “Feniks” ka ndihmuar për ndërtimin e 5 shtëpive, ndërkaq deri në fund të vitit po planifikon që të ndërtojë deri në 15 të tilla.

Ferizaj

Siguria juaj fillon me zgjedhjen e duhur të sigurimit

Published

8 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

8 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.