Ferizaj

Ferizaj edhe me një kyçje në autostradë

Published

8 years ago

04 July, 2018

Komuna e Ferizajt do të bëhet me kyçje të re në autostradën “Arbën Xhaferi”. Kështu ka bërë të ditur Ministri i Infrastrukturës Pal Lekaj, duke theksuar se kjo vjen pas kërkesës së bizneseve dhe komunës së Ferizajt. Këtë deklaratë Lekaj e bëri gjatë fillimit të punimeve të rikonstruimit të rrugës Varosh-Gurëz, rregullimi i së cilës Lekaj tha se do të kushtoj 2 milionë e 645 mijë euro, ndërsa punimet do të përfundojnë brenda 3 vitesh.

“Ajo që mund të them sot një lajm të mirë për bizneset, për kyçje në autostradë duke filluar nga rruga “Driton Islami”, Talinoci i Muhaxherëve, Sazli dhe Papaz, që do të jetë kyçja në autostradë dhe do të ketë impakt pozitiv tek bizneset sepse ne jemi zotuar se rrugët nuk bëhen vetëm për ministrin apo kryetarin e komunës, por rrugët bëhen për të pas impakt pozitiv në zhvillimin ekonomik, të turizmit dhe lidhje të korridoreve për t’u krijuar lehtësira qytetarëve dhe transportuesve të mallrave”, tha Leka.

Me këtë rast kryetari i Ferizajt Agim Aliu tha se ky projekt shënon fillimin e transformimit urban të qytetit, duke paralajmëruar kështu nisjen e projektit të ‘’Bashkimit të Qytetit’’.

“Sot kemi filluar punimet në aksin ndër më të rëndësishëm të Ferizaj, në aksin i cili është i gjatë afërsisht 5 kilometra, një projekt me të gjitha standardet më të mira dhe më të avancuara, është një rrugë e gjerë prej 18 metrash që do të ketë 4 korsi ku dy do të jenë qarkulluese dhe dy ndihmëse, do të ketë dy shirita gjelbërues, do të ketë dy trotuare, do të ketë të gjithë infrastrukturën e nevojshme dhe do jetë lidhje me autostradën në pjesën e Kaçanikut, por njëkohësisht edhe për lidhjen që ka me Kaçanikun dhe Shkupin dhe po ashtu me këtë regjion i cili është i shquar për komunitet të bizneseve dhe është një taksapagues i madh në kuadër të buxhetit jo vetëm të Ferizajt, por edhe të Republikës së Kosovës”,tha Aliu.

Gjatë vizitës në Ferizaj, ministri i Infrastrukturës Pal Lekaj premtoi se shumë shpejt do të filloj rregullimi i rrugës në fshatin Tërrn dhe rruga Prelez i Jerlive- Fshat i Vjetër, ndërsa dha mbështetje edhe për projektin ‘’Bashkimi i Qytetit’’.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

2 weeks ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.