Ferizaj

Krenare Çerkini zgjedhet kryetare e Unionit të Studentëve të Kosovës

Published

7 years ago

11 July, 2018

Ferizajasja Krenare Çerkini është zgjedhur kryetare e Unionit të Studentëve të Kosovës. Kjo organizatë e pavarur studentore, e cila ka për qëllim angazhimin për mbrojtjen e interesave të studentëve dhe përfaqësimin e opinionit të tyre, po ashtu ka zgjedhur edhe gjithë strukturën e saj udhëheqëse të asamblesë së përgjithshme. Kryetarja e sapo zgjedhur ndihet e lumtur që do ta ketë mundësinë që për dy vitet e ardhshme të jetë në krye të këtij Unioni. Ajo tregon se synim kryesor i këtij Unioni është anëtarësimi në Unionin Evropian të Studentëve.

“Tash jemi strukturë e re dhe jam shumë e kënaqur që struktura e zgjedhur po duket të jetë shumë premtuese, është një ekip i studentëve elitarë . Një objektivë që ne si studentë e kemi qysh moti është anëtarësimi i Unionit tonë në Unionin Evropian të Studentëve, është kjo një sfidë për ne por që do të angazhohemi dhe do të punojmë në maksimum që sivjet ta arrijmë këtë synim”, tha Çerkini.

Çerkini që aktualisht është studente e nivelit master në kolegjin AAB, deri më tani ishte nënkryetare e Unionit të Studentëve të Kosovës si dhe anëtare për marrëdhënie me jashtë. Ajo tregon për angazhimet dhe vizitat jashtë vendit që kishte bërë sa ishte në këtë pozitë.

“Kam pas rastin t’i përfaqësoj studentët tanë nëpër evente nëpër Evropë si për shembull kam qenë pjesë e një konvente studentore në Angli dhe Estoni. Mandej kam qenë pjesë e takimeve miqësore mes Unionit të Kosovës dhe Evropës që janë mbajt në Belgjikë dhe Austri. Po ashtu, kam pas fatin që studentët tonë t’i përfaqësoj edhe në Kroaci e Slloveni. Prandaj të gjitha këto vizita më kanë bërë të kuptoj që unë vërtet e dua këtë përgjegjësi dhe rolin për t’i përfaqësuar studentët e Kosovës nëpër nivele të larta studentore”, theksoi Çerkini.

Unioni i Studentëve të Kosovës përfshin studentë nga të gjitha universitet e vendit. Parlamenti i këtij Unioni përbëhet nga 51 anëtarë, ndërkaq Krenare Çerkini është ferizajasja e vetme në strukturat e tij.

Ferizaj

Arrestohen tre të dyshuar për hajni në disa markete të Ferizajt

Published

13 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

5 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: