Ferizaj

Vihet gurëthemeli për shtatoren e dëshmorit Nazmi Uksmajli

Published

8 years ago

16 July, 2018

Në Ditën e Veteranëve të Ushtrisë Çlirimtare të Kosovës, është vënë gurëthemeli për ndërtimin e shtatores së dëshmorit të parë të Zonës Operative të Nerodimes Nazmi Uksmajli. Gurëthemeli për shtatoren e dëshmorit nga Jezerci u vu afër ish shtëpisë së TMK-së, ku gjatë luftës ishte një zonë e ndaluar. Për figurën dhe heroizmin e dëshmorit Uksmaji foli gjenerali Imri Ilazi.

“Për të folur për Nazmiun nuk do të kem mundësi për të treguar rrugëtimin, historinë dhe përfundimin pikërisht në fshatin e lindjes. Ai edhe pse erdhi në vendlindje nuk pranoi të hyjë në familje për t’u çmallur, sepse thoshte që para vetës e ka një mision dhe pa e kryer misionin nuk shkoj në shtëpi. Pra ky është akti me heroik që unë kam përjetuar nga një ushtar i Ushtrisë Çlirimtare të Kosovës. Dua të them se ai në momentin që hyri Jezercin e pa të lirë dhe ashtu mendonte dhe ashtu do të ndodhë edhe pas rënies së tij heroike tek bashkimi i dy lumenjve në Nerodime, prandaj dua që të gjithë iniciatorët që aprovuan lokacionin për dëshmorin Nazmi Uksmaji t’i falënderoj dhe t’i përgëzoj, duke shpresuar se në një afat të shkurtër të ngritët kjo shtatore“, tha gjeneral Ilazi.

Kryetari i shoqatës së Veteranëve të Luftës në Ferizaj Rafiz Sejdiu, derisa foli për sakrificën e lavdishme të dëshmorit Uksmajli dhe të gjithë të rënëve të tjerë, shprehu një dozë zhgënjimi që monumenti për dëshmorin e parë të kësaj ane po ngritët pas shumë kohësh.

“Kjo ndoshta është edhe paradoksale pasi që Nazmiu është dëshmori i parë kurse shtatorja i ngritët në mesin e të fundit, por siç thuhet më mirë vonë se hiç. Ne nuk e patëm lehtë edhe pas çlirimit pasi që propaganda e politikës pacifiste e kishte bërë të vetën dhe shpeshherë jemi gjendur në vështirësi, pra merreni me mend u dashtë të kalojnë 15 vite e veteranëve të luftës së UÇK-së t’i bëhet një ndihmë ekonomike modeste”, tha Sejdiu.

‘’Me krenari dhe përgjegjësi duhet të punuar për ta çuar në vend amanetin e të rënëve për këtë liri që sot Kosova po gëzon. Ndjehuni të qetë familje të nderuara të dëshmorëve nëna dhe baballarë, sepse shokët dhe shoqet e fëmijëve tuaj që sot kanë Ditën e Veteranit nuk do të lënë asnjë gurë pa e lëvizur për të realizuar atë amanet për të cilën kanë rënë dëshmorët e kombit”, tha Agim Aliu.

“Ndihemi krenarë që kemi qenë bashkëluftëtarë të Nazmiut dhe të tjerëve, ndihemi krenarë që e kemi vazhduar atë rrugëtim të tyre, ndihemi krenarë që e kemi pritur edhe qershorin e vitit 2009, ndihemi krenarë po ashtu që e kemi pritur 18 shkurtin e vitit 2018 dhe ju veteranë dhe ju bashkëluftëtarë të UÇK-së duhet të mburremi me atë kohë, duhet ta ruajmë emrin e veteranit, duhet të dalim haptas që kemi qenë pjesë e UÇK-së , sepse ne kemi përmbys historinë“, tha Elmi Reçica.

Për ta nderuar jetën dhe veprën e dëshmorit Nazmi Uksmaji, por edhe dëshmorëve të tjerë të kësaj ane, në Varrezat e Dëshmorëve në Ferizaj u bën homazhe nga një numër i konsideruar i bashkëluftëtarëve, familjarëve dhe zyrtarëve të institucioneve lokale e qendrore.

Ferizaj

Lëndohen tre policë gjatë arrestimit të sulmuesit 16 vjeç në Ferizaj

Published

3 days ago

10 July, 2026

Redaksia

Policia e Kosovës ka njoftuar se gjatë arrestimit të të miturit me inicialet P.GJ (16 vjeç), i dyshuar për therje të dy personave mëngjesin e sotëm në Ferizaj, janë lënduar tre zyrtarë policor ku njëri prej tyre është goditur me thikë në pjesën e qafës.

Sipas policisë, pas kontrollit ë banesën e të dyshuarit dhe më pas në një adresë në fshatin Greme, policia ka arritur ta lokalizojë atë.

“Me të arritur në vendngjarje, i dyshuari ka refuzuar t’u bindet urdhrave policorë, duke mbajtur një thikë në dorë, ka sulmuar zyrtarët policorë me gurë dhe mjete të forta, si dhe është vërsulur ndaj tyre me thikë.

Gjatë ndërhyrjes, nëna e tij ka penguar zyrtarët policorë në kryerjen e detyrës zyrtare.

Në një moment, i dyshuari ka marrë një shishe me benzinë dhe ia ka hedhur vetes mbi trup, duke vazhduar t’i kërcënojë policët me thikë dhe duke mos lejuar afrimin e tyre.

Gjatë përpjekjeve për vënien e tij nën kontroll, tre zyrtarë policorë kanë pësuar lëndime, ndërsa njëri prej tyre është goditur me thikë në pjesën e qafës.

Pas ndërhyrjes policore, i dyshuari me inicialet P.GJ (16 vjeç) është vënë nën kontroll dhe është arrestuar së bashku me nënën e tij D.GJ (47 vjeçe).

Gjithashtu është sekuestruar edhe thika, e cila dyshohet se është përdorur në sulmin ndaj qytetarëve”, ka njoftuar policia.

Në përditësimin e fundit, thuhet se në sulmin që ndodhi rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, mbetën të plagosur dy qytetarë, të cilët u dërguan për trajtim mjekësor në Spitalin e Ferizajt.

Njëri nga të plagosurit, I.M. 81 vjeç, ishte therur në fytyrë dhe në gjymtyrë, ndërsa i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor është liruar për në shtëpi.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.

Ferizaj

Arrestohet i dyshuari për plagosjen e dy personave me thikë në Ferizaj

Published

3 days ago

10 July, 2026

Redaksia

Është ndaluar një person, i mitur, i dyshuar për rastin e sulmit dhe therjes me thikë të dy personave të tjerë, mëngjesin e sotëm në Ferizaj.

“Rasti ka ndodhur sot, më datën 10.07.2026, rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, ku, sipas informatave fillestare, dyshohet se i mituri ka sulmuar me mjet të mprehtë (thikë) dy persona të tjerë” , njoftoi Prokuroria.

Të lënduarit janë dërguar për trajtim mjekësor në Emergjencën e Ferizajt.

Sipas informacioneve të fundit, njëri nga të plagosurit, I.M 81 vjeç, ka pësuar therje të rëndë në fytyrë dhe në gjymtyrë, ndërkaq i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor në Emergjencën e Spitalit është liruar për në shtëpi.

Ferizaj

Arratiset i dyshuari për plagosje me thikë të dy personave në Ferizaj

Published

3 days ago

10 July, 2026

Redaksia

Një person dyshohet se ka sulmuar dhe therur me thikë dy të tjerë mëngjesin e sotëm afër objektit të postës qendrore në Ferizaj.

Të lënduarit janë dërguar për trajtim mjekësor në Emergjencën e Ferizajt, kurse i dyshuari është arratisur nga vendi i ngjarjes.

Policia bëri të ditur se është në kërkim intensiv për të dyshuarin dhe se po shikohen kamerat për të ndihmuar në identifikimin e të dyshuarit dhe sqarimin e rrethanave të rastit.

“Sot, rreth orës 07:50, kemi pranuar informatën se në rrugën “Dëshmorët e Kombit”, në afërsi të Postës Qendrore në Ferizaj, ka ndodhur një incident, ku një person dyshohet se ka sulmuar dy persona me mjet të mprehtë (thikë), të cilët janë transportuar për trajtim mjekësor në Emergjencën e Ferizajt, pasi kanë marrë ndihmën e parë në vendin e ngjarjes nga ekipet mjekësore. I dyshuari është larguar nga vendi i ngjarjes në drejtim të panjohur”, njoftoi Policia.