Ferizaj

LDK: MAPL kundër ndërrimit të lokacionit të spitalit

Published

8 years ago

17 July, 2018

Dega e LDK-së në Ferizaj vazhdon të mendojë se pushteti nuk ka të drejtë ta ndërtojë spitalin tek ish-tregu i kafshëve. Përgjigja e Ministrisë së Administrimit të Pushtetit Lokal se vendimi i fundit për dhënie në shfrytëzim të asaj parcele për ndërtim të spitalit ka kaluar pa shkelje procedurale, ka bërë që kjo parti t’i drejtohet sërish kësaj ministrie. Përfaqësues të kësaj partie thonë se kanë marrë një përgjigje nga niveli qendror e cila thotë se spitalit nuk lejohet t’i ndërrohet lokacioni.

“Në përgjigjen e MAPL-së thuhet kështu: Vendimi i Kuvendit të Komunës respektivisht vlerësimi i MAPL-së nuk nënkupton me automatizëm ndryshimin e Planit Zhvillimor Komunal, apo çfarëdo akti tjetër të përgjegjshëm, ndryshimet e të cilave duhet të bëhen në procedura tjera, prandaj ne u kemi dërguar dje zyrtarisht edhe kryetarit të komunës edhe kryesueses së Kuvendit që ta parandalojnë dhënien eventuale të lejes së ndërtimit ku pretendohet jashtëligjshëm ta ndërtojnë spitalin e Ferizajt“, tha Gëzim Kokollari nga LDK-ja.

Në anën tjetër, drejtori i Urbanizmit Lulzim Aliu, ka thënë se deklaratat e opozitës janë veç reagime politike, duke shtuar se ato nuk do të pengojnë që ky investim kaq i madh të realizohet.

“Në pikën e fundit të përgjigjes së MAPL-së është shumë e qartë, vendimi i Kuvendit nuk ka të bëj me Planin Zhvillimor Komunal, një vendim që e kemi dhënë për tokë në shfrytëzim nuk ka të bëj me PZHK-në, sepse vendimet që kanë të bëjnë me këtë dokument i kemi marrë më herët dhe në qoftë se Plani Zhvillimor Komunal trajtohet në këtë formë ata e kanë gabim shumë, sepse PZHK-ja me prioritet të lartë e ka ndërtimin e spitalit dhe ne nuk jemi duke vepruar asnjë milimetër në kundërshtim me ligjin e as PZHK-në. Kjo përgjigje që i ka shku LDK-së dhe Vetëvendosjes gjegjësisht asamblistëve Gëzim Kokollarit dhe Enver Halitit na ka ardh edhe neve dhe s’ka të bëj me kurrfarë pengese për ta ndërtuar spitalin”, tha Aliu.

Derisa dega e LDK-së ka bërë thirrje tek drejtuesit e pushtetit që të mos japin leje ndërtimore për spitalin, drejtori i Urbanizmit tregoi se kjo drejtori tashmë është duke i bërë gati dokumentacionet që duhen për ndërtimin e spitalit në atë parcelë.

“Ne jemi duke i kompletuar ende dokumentet sepse është puna e një tensioni të lartë dhe jemi duke pritur një pëlqim të KEK-ut dhe gjithçka jemi gati për të filluar punët”, tha Aliu.

“Qytetarët e Ferizajt nuk habiten me veprime të paligjshme me veprimet e këtij pushteti i cili tregon se në çdo seancë merr vendime në kundërshtim me ligjin, por ne edhe njëherë i bëjmë ftesë që mos të bëjnë veprime të tilla duke ua përkujtuar se kjo është vepër penale”, tha Kokollari i LDK-së.

Për drejtorin Aliu, asamblistët e apostrofuar, nuk e dinë se çka është Plani Zhvillimor Komunal.

“Çifti i këtyre asamblistëve që nuk e lexojnë PZHK-në, nuk e dinë se çka është aktiviteti i PZHK-së, nuk e dinë çka është plani i veprimit, e kanë sjell situatën kështu. Reagimi i Gëzim Kokollarit dhe Enver Halitit është papjekuri serioze e një asamblisti që merret me politikë, absolutisht”, tha Lulzim Aliu.

Dega e LDK-së në Ferizaj gjatë konferencës së sotme me gazetarë, paralajmëroi se ndjekjen e rrugëve ligjore për ndërtimin e spitalit të Ferizajt do ta vazhdojë edhe më tutje.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

5 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar