Ferizaj

Rektori Dema dhe pronari i kompanisë “Eurometal” takohen për bashkëpunime

Published

7 years ago

20 July, 2018

Një delegacion i Universitetit të Prishtinës ‘’Hasan Prishtina’’ i udhëhequr nga rektori Marjan Dema, ka vizituar kompaninë ferizajase “Eurometal”. Gjatë kësaj vizite ata kanë biseduar për mundësitë e bashkëpunimit në mënyrë që studentët e Fakultetit të Inxhinierisë Mekanike ta kryejnë punën praktike në këtë kompani. Rektori Dema, tha se kjo mundësi do t’iu ndihmojë studentëve në aftësimin e tyre profesional.

“Jam shumë i lumtur pas asaj që pashë në këtë punishte. Do të jem ende më i lumtur kur studentët të jenë pjesë e kësaj kompanie dhe t’i forcojnë aftësitë e tyre. Është mrekulli të shohësh një kompani kaq të suksesshme”, tha Dema.

Pronari i kompanisë ‘’Eurometal’’, Njazi Musliu, tha se kompania e tij ka nevojë për profesionistë, duke theksuar se përmes marrëveshjes që do ta zyrtarizojnë së shpejti, një numër i studentëve të UP-së të cilët tregojnë rezultate të mira gjatë praktikës mund të punësohen aty.

“Ne kemi nevojë për kuadro dhe studentët kanë nevojë për praktikë dhe kjo është mundësi e mirë për të dyja palët. Ne kërkojmë që një kohë saldues profesional dhe besoj që studentët kanë me u bindë që e ardhmja është në prodhim. Apeloj te studentët të marrin drejtime të Makinerisë, Inxhinierisë, sepse drejtime të tilla përparojnë ekonominë e vendit. Ne kemi bashkëpunime me vende të ndryshme të Evropës dhe studentëve u jepet mundësi më e mirë”, tha Musliu.

Ndërkaq, Naser Sahiti prorektor për mësimdhënie në UP, ka theksuar se fatkeqësisht në Kosovë viteve të fundit është zbehur interesimi i të rinjve për t’i studiuar këto fusha. Ai tha se Universiteti i Prishtinës përmes këtyre bashkëpunimeve që do të bëj me firma prodhuese, synon sensibilizimin e studentëve për t’u orientuar në këto drejtime.

“Këto ditë është duke u mbajtur provimi pranues dhe për drejtimin e Makinerisë ka më pak interesim e që do të duhej të kishte më shumë. Përmes kësaj marrëveshje do të mundësohet që studentët të profesionalizohen. Është mirë që këta studentë të profesionalizohen edhe në vendet e ndryshme të botës, mirëpo kontributin ta japin në Kosovë. Mosinteresimi i studentëve për drejtime të teknikës shumë shpesh ka të bëj se këto drejtime janë më të rënda”, tha Sahiti.

Ndryshe, kompania për prodhimin e konstruksioneve të çelikta “Eurometal”, këto ditë ka fituar një çmim ndërkombëtar si njëra ndër firmat më të suksesshme në Ballkan.

Aktualisht ‘’Eurometal’’ ka të punësuar mbi 80 punëtorë.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.