Ferizaj

Përkujtohen dëshmorët Rexhep Bislimi dhe Kadrush Ilazi

Published

8 years ago

21 July, 2018

Familjarë, miq e përfaqësues të institucioneve lokale, kanë nderuar jetën dhe veprën e heroit të kombit Rexhep Bislimi në 20 vjetorin e rënies.

Kryetari i Shoqatës së Familjeve të Dëshmorëve në Ferizaj, Gafurr Bytyqi, tha se pa dëshmorë si Rexhepi Kosova nuk do të ishte e lirë.

“Sikur mos të ishte lufta e UÇK-së dhe rënia e dëshmorëve ne do të ishim nën juridiksionin e Serbisë, nën juridiksionin e çetnikizmit dhe për fat të mirë e për fat të ideatorëve të luftës si Rexhep Bislimi e Kadrush Ilazi dhe të gjithë dëshmorët e tjerë sot Serbi nuk ka”,tha Bytyqi.

Kurse, djali i heroit të kombit Rexhep Bislimi, Fisnik Bislimi, tha se megjithë kalimin e viteve dhembja për babain është e njëjtë, por edhe krenaria sa vjen e shtohet.

“Kaluan 20 vite nga koha e luftës, 20 vite me dhembje, 20 vite me kujtime të mbushura për më të dashurit tanë, por edhe 20 vjet krenari, krenari kjo që na mbajti gjallë e kokën lartë, kjo liri ka kushtuar shumë shpresoj që kjo dekadë e re ta vlerësoj”, tha Fisnik Bislimi.

Emri i Rexhep Bislimit lidhet me formimin e njësive të para ushtarake të UÇK-së dhe krismës së parë të pushkëve të organizuara çlirimtare në Ferizaj dhe rrethinë. Ai u pat vrarë nga forcat serbe nën torturë gjatë procesit të hetuesisë që ndiqej ndaj tij. Veprimtarë ferizajas, ditën e 21 korrikut e vitit 1998, e konsiderojnë si ditë të rënies heroike të militantit të shquar të lëvizjes ilegale të Kosovës.

Në këtë ditë, u shënua edhe 19 vjetori i rënies së dëshmorit Kadrush Ilazi nga komuna e Kaçanikut.

Ferizaj

Ndërroi jetë artisti dhe koreografi i shquar ferizajas, Bajram Tahiri

Published

2 days ago

03 February, 2026

Redaksia

Ka ndërruar jetë Bajram Tahiri, artist, valltar dhe koreografi i shquar i ansamblit “Kastriotët” në Ferizaj.

I ndjeri gjithë jetën e tij artistike ia kushtoi ruajtjes dhe begatimit të traditës dhe trashëgimisë kulturore, fillimisht si valltar pastaj edhe si koreograf i A.K.V ,,Kastriotët” Ferizaj.

Për një periudhë kohore, nga viti 1999-2009, Tahiri ishte Drejtor Operativ në KRM “Pastërtia”, pastaj nga viti 2017 deri në vitin 2020 shërbeu si këshilltar politik në Ministrinë e Tregtisë dhe Industrisë, derisa nga viti 2010 udhëhoqi me kompaninë “Mbrojtja e Ambientit”.

Mbledhja komemorative për artistin e ndjerë, Bajram Tahiri, mbahet më 3 Shkurt 2026, ora 14:00 në Teatrin “Adriana” kurse ceremonia e varrimit nga ora 15:30 në varrezat e reja të qytetit.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.