Ferizaj

Pëson ndryshime rregullorja për taksa, tarifa dhe gjoba komunale

Published

8 years ago

27 July, 2018

Ekzekutivi i Ferizajt këto ditë është duke e përgatitur draft rregulloren e re për taksa, tarifa, ngarkesa dhe gjoba komunale. Për këtë rregullore është mbajtur edhe diskutimi publik, ndërkaq pritet që në seancën e shtatorit ajo të dalë për miratim. Drejtoresha e Financave Sebahate Ajeti, tregoi se ndryshimi i kësaj rregulloreje ka për qëllim rritjen e të hyrave vetanake të komunës si dhe ofrimin e lehtësira për disa kategori të bizneseve.

“Kryesisht ka ndryshuar çmimorja në gjendjen civile për dokumenteve zyrtare siç janë certifikata e martesës, ajo e lindjes, është shtuar shuma tek certifikata e vdekjes, si dhe janë shtuar gjobat për lajmërim të vonshëm të lindjes. Po ashtu tek Drejtoria e Financave ka ndryshuar çmimi i pronave në shfrytëzim dhe atyre me qira. Tek Drejtoria e Kadastrit ka ndryshuar çmimi tek matjet kadastrale, si dhe janë kategorizuar në këto çmime shoqatat e dala nga lufta dhe të burgosurve politikë. Mund t’iu them se në përgjithësi çmimet që janë rritur nuk e kalojnë rritjen më shumë se tri euro”, tha Ajeti.

Me t’u bërë publik ndryshimi i rregullores për taksa, tarifa ngarkesa dhe gjoba komunale, drejtoresha e Financave thotë se në zyrat e kësaj drejtorie ka pasur fluks të madh të qytetarëve dhe bizneseve që janë interesuar për këto ndryshime, por në anën tjetër tek diskutimi publik ajo thotë se nuk është e kënaqur me pjesëmarrjen e publikut.

“Momentin që ne e kemi plasuar në Asamblenë komunale për ta hedhur në diskutim publik këtë rregullore menjëherë të nesërme kemi pasur ankesa dhe kërkesa nga qytetarët e posaçërisht bizneset, por në anën tjetër edhe pse është paralajmëruar me kohë dëgjimi publik, do të thoja se jemi relativisht të kënaqur me pjesëmarrjen e tyre në Kuvend, duke pasur parasysh që aty dashtë të ketë kërkesa të cilat më vonë ne do t’i marrim parasysh në hartimin e draftit final të kësaj rregulloreje“, tha Sebahate Ajeti.

Me ndryshimet që ka paraparë kjo rregullore e re, sipas drejtoreshës Ajeti, përfitues do të jenë qytetarët e këtushëm, meqë rritja e të hyrave do të mundësoj realizimin e projekteve të nevojshme për ta.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim