Ferizaj

Kuvendi vendos për shpronësimin e tokave për varreza në Fshatin e Vjetër

Published

8 years ago

31 July, 2018

Parcelës së destinuar për varreza të qytetit në Fshatin e Vjetër të Ferizajt, iu bashkëngjitën edhe 26 hektarë të tjerë. Me shumicë votash asamblistët ferizajas votuan që rreth 26 hektarë tokë të jepen në shfrytëzim për varreza të qytetit. Për këtë, pati kritika të ashpra nga kuvendarët e opozitës, për shkak që hektarët e dedikuar për varreza duhej paraprakisht të shpronësoheshin nga komuna e Ferizajt.

“Unë veç një pyetje kisha pas dëshirë me ia bë drejtorit, a keni buxhet ju lutem për këto shpronësime kur dihet që në planifikimin e vitit që vjen janë vetëm rreth 500 mijë euro mjete për shpronësime, ndërkaq vetëm këto parcela qe pretendoni t’i shpronësoni besoj qe kapin vlera milionëshe. Po ashtu si ka mundësi që sot po doni ta merrni një vendim tjetër duke mos e shfuqizuar të parin që ishte pikërisht për varreza në këtë fshat. Me Planin Zhvillimor Komunal këto parcela të Fshatit të Vjetër janë paraparë për zhvillim ekonomik, ndërsa ju s’po mendoni fare për këtë”, tha Balton Dërguti i LDK-së.

“Ekzistojnë edhe alternativa të tjera, nuk do të thotë se patjetër t’i shpronësojmë, mund të ofrojmë edhe këmbime në të ardhmen, tash alternativat a i parashohim në vitin 2019 apo 2020 kryesorja ligji na mundëson edhe këto alternativa. Prandaj kjo nuk është për shqetësim”, tha drejtori i Pronës Sabri Murseli.

“Drejtori tha se pushteti ka edhe alternativa të tjera, tha se mund ta bëjmë edhe kompensimin, nëse është kjo forme atëherë drejtor kërkohet që të propozohet sipas ligjit 04L 144 që është për dhënie në shfrytëzim dhe këmbim të pronës komunale, nuk mund të shkojmë me këtë formë të shpalljes së interesit të përgjithshëm e pastaj t’i zhvilloni procedurat për këmbim të pronës”, tha Enver Haliti nga LVV.

Për ta arsyetuar këtë propozim-vendim, drejtorit të Pronës në ndihmë i dolën edhe nënkryetari i komunës Naim Ferati si dhe drejtori i Urbanizmit Lulzim Aliu. Aliu edhe këtu ia përkujtoj LDK-së që ka lënë borxhe të mëdha sa i përket shpronësimeve.

“Ju atëherë keni marrë një vendim arbitrar pikërisht për shkak se s’keni mundur me realizu një vendim të paligjshëm në Balaj e pastaj e keni shpall në interes të përgjithshëm një pjesë shumë të mirë të qytetit që ka kushtu minimumi 600 mijë euro. Është e vërtet që duhet të parashikohet vlera e shpronësimeve sepse ju i keni lënë borxh 1.5 milion euro që veç ju e dini se pse i keni bërë ato”, tha Lulzim Aliu.

E dikur vonë fjalën e mori ish-kryetari nga radhët e LDK-së Muharrem Svarqa. Ai këmbënguli që me këtë vendim Kuvendi po gabon, pasi që ky investim as që parashihet me Planin Zhvillimor Komunal.

“Ne nuk po e kontestojmë përpjekjen për zgjidhjen e problemit për varreza, por ta dini që kjo nuk është në harmoni me Planin Zhvillimor Komunal dhe kjo nuk është mirë që të ngatërrohet çështja vetëm në mënyrë parciale, vetëm për qëllime individuale dhe pushtetore, sepse pushteti është rrotacion. Ndërkaq akuzat dhe shantazhet nuk janë formë e funksionimit të një Kuvendi për shkak që institucionet e pavarura funksionojnë edhe atëherë kur nuk ka ndonjë vendim të Kuvendit, por që e monitorojnë punën e Kuvendit dhe zyrtarëve që punojnë këtu”, tha Svarqa.

As në këtë seancë Nehat Mustafa i PDK-së nuk e la pa e kritikuar partinë e tij. Madje tha se përgatitja e materialeve flet për një joseriozitet të këtij pushteti.

“Prapë po ua përsëris kur kërkoja afat tri ditë me shty thoshi jo nuk bën, tash keni me pas akoma kohë për të humbur dhe prapë keni me pas problem, sepse po dilni shumë jo serioz në përgatitjen e materialeve, kështu që si doni kalkuloni dine që vota jem është kundër”, tha ai.

Kësisoj debati zgjati goxha shumë dhe në fund me shumicë votash ky vendim për shpalljen e interesit të përgjithshëm të disa ngastrave kadastale për varreza të qytetit në Fshatin e Vjetër u miratua. Më pas Kuvendi vazhdoi punimet që kryesisht kishin të bënin me vendime të ngjashme. Ai miratoi edhe një varg vendimesh që lidhen kryesisht me ndërrim të ngastrave kadastrale si dhe shpallje të interesit të përgjithshëm. Po ashtu, një tjetër vendim që sot mori Kuvendi ishte emërimi i Florim Bajramit në pozitën e nënkryetarit të komunës për komunitete.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar