Ferizaj

Hapet ekspozita me fotografi nga trashëgimia kulturore e Ferizajt

Published

7 years ago

31 July, 2018

Në kuadër të aktiviteteve “Ditët e Diasporës”, në oborrin e bibliotekës “Sadik Tafarshiku” në Ferizaj, Muzeu i Qytetit ka hapur ekspozitën me fotografi nga trashëgimia kulturore e trevës së Ferizajt.

Udhëheqësi i Muzeut të Qytetit Ilir Bytyqi, tha se kjo ekspozitë ka për synim të paraqes momente të ndryshme historike të qytetit tonë si dhe pamjen e qytetit ndër periudha historike.

“Njësia për Trashëgimi dhe Muze ka paraparë që të bëj një ekspozitë ku do të prezantohet trashëgimia kulturore, ku hynë ajo arkeologjike, etnologjike dhe historike. Kemi figurën që është e njëvjeçarit të 6, më pas kemi edhe eksponatet e tjera që na përfaqësojnë nga periudha e neolitit e bronzit deri në periudhën e hekurit dhe ato historike, përpos sektorit të arkeologjisë kemi edhe sektorin e etnologjisë ku paraqitet tradita, veshja, veglat e punës dhe mënyra e jetesës e cila e ka karakterizua trevën e Ferizajt në periudha të ndryshme, ndërsa ajo që po ngjallë interesim është ajo historike ku prezantohet lashtësia e qytetit ku janë të paraqitura aspektet historike, çështjet politike, më pas arkitektura që ka ndryshuar ndër vite, andaj kjo ekspozitë është e mirë për qytetarët dhe mërgimtarët që të njihen më shumë me vlerat dhe vjetërsinë e kësaj treve”, tha Bytyqi.

Këtë ekspozitë e mirëpritën edhe qytetarët ferizajas, të cilët thanë se të tilla duhet të organizohen më shpesh.

“Pak ka ekspozita pasi Ferizaj ka vlera shumë, por po më duket se janë pak dhe të paraqitura në mënyrë të thjeshtë, ajo që po më ngjallë nostalgji është fotografia ku krahasohet qytetit i Ferizajt në kohën e tashme dhe në vitet e mëhershme, por në përgjithësi është e mirë kjo ekspozitë, është e qëlluar”, tha Beqir Tërstena.

“Shumë e mirë kjo ekspozitë, duhet me ua përkujtu të rinjve të kaluarën tonë”, tha një tjetër qytetar.

Ekspozita me fotografi nga trashëgimia kulturore e trevës së Ferizajt, do të jetë e hapur deri më 2 gusht.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.