Ferizaj

Nis fushata Paguaj Tatimin – Ndihmo Qytetin

Published

6 years ago

06 August, 2018

Për ta sensibilizuar edhe më shumë opinionin lidhur me vendimin që pushteti lokal e ka marrë për ulje të tatimit në pronë, drejtoresha e financave të Ferizajt bashkë me disa kolegë të tjerë, të veshur me fanela të bardha, shpërndanin fletushka informuese për këtë fushatë. Drejtoresha Sebahate Ajeti Sadiku tregoi se nga shtatori i këtij viti do të rishikohen zonat tatimore në kuadër të politikave fiskale ku tatimi në pronë do te ulet ë 10 përqind.
“Qëllimi i kësaj kampanje është që t’i informojmë qytetarët se sa vlerë ka pagesa e tatimit në pronë, ku shkojnë ato mjete dhe pse duhet paguar tatimi në pronë. Kryesisht pagaset që behen për tatimin në pronë shkojnë për investime kapitale, që do të thotë se sa më shumë që i kryejmë obligimet tona me rregull, aq më e mirë do te jetë edhe cilësia jetësore në komunitetin ku ne jetojmë.”, tha Ajeti.
Me këtë rast, drejtoresha e financave ka paralajmëruar borxhlinjtë e tatimit në pronë, se prej muajit tetor, komuna do të nisë inkasimin e borxheve përmes përmbaruesve privat.
“I ftoj qytetarët në zyrat e tatimit që të njoftohen për borxhet që kanë, meqë nga 1 tetori, me ligjin e tatimit në pronë, komuna obligohet që borxhet t’i inkasojë me përmbarues privat. Në fakt, nuk jemi te interesuar që borxhet t’i inkasojmë në këtë mënyrë, por është në të mirë të dyanshme që këto pagesa të kryhen në afat të caktuar për t’iu ikur ndëshkimeve me kamata”, tha Ajeti.
U bë e ditur se në gjashtmujorin e parë të këtij viti, të hyrat nga tatimi në pronë kanë shënuar rritje deri në 25 përqind, dhe se nga 1 janari deri me 31 korrik, të hyrat e tatimit në pronë kanë kaluar vlerën e 1 milion eurove.
U tha po ashtu se fushata me moton “Paguaj tatimin në prone- ndihmo në zhvillimin e qytetit”, do të zgjasë një muaj, ku nuk do të mungojë një laryshi e aktiviteteve të ndryshme.

Ferizaj

Kërcënohet me jetë Kenan Gashi, drejtor ekzekutiv i “AVONET”

Published

2 days ago

27 April, 2024

Redaksia

Drejtori Ekzekutiv i rrjetit të OJQ-ve, “AVONET”, Kenan Gashi, ka njoftuar se është kërcënuar me jetë nga një palë e përfshirë në një rast që “AVONET” po e trajton në gjykatë.

Përmes një postimi në Facebook, Gashi bëri të ditur se rasti i kërcënimit dhe kanosjes ndaj tij nga ana e personit Faredin Grainca, ndodhi mbrëmjen e së premtes, në ambientet e spitalit rajonal të Ferizajt, por siç u shpreh Gashi, sulmi u parandalua falë zyrtarëve të Policisë që ishin të pranishëm në atë çast në vendngjarje.

Sipas Gashit, kërcënimet e sulmet e tilla janë shqetësuese për faktin se vijnë si rezultat i punës dhe aktivitetit publik të cilin e zhvillon në interes të përgjithshëm andaj edhe kërkon veprime të menjëhershme nga Policia e Kosovës dhe Prokuroria e Shtetit për inicimin e procedurës penale këtij personi.

Zëvendësdrejtori i policisë për rajonin e Ferizajt, major Qazim Reka, ka konfirmuar nisjen e hetimeve për këtë rast, për të cilin tha se është njoftuar edhe prokuroria dhe janë intervistuar të dyja palët.

Ferizaj

Policia në kërkim të dyshuarit të dytë për plagosjen me armë zjarri mbrëmë në Ferizaj

Published

2 days ago

27 April, 2024

Redaksia

Zëvendësdrejtori i policisë për rajonin e Ferizajt, major Qazim Reka, ka konfirmuar se njëri nga të dyshuarit për të shtënat e mbrëmshme me armë zjarri është arrestuar ndërsa një i dyshuar tjetër është në kërkim.

Nga të shtënat me armë zjarri, që ndodhi mbrëmë rreth orës 23:45 më rrugën “ 12 Qershori” mbetën të plagosur dy persona të cilët u dërguan për trajtim në në emergjencën e Ferizajt.

“Dy meshkuj kosovarë kanë pësuar lëndime si pasojë e gjuajtjes me armë zjarri nga persona të panjohur. Të lënduarit janë dërguar për trajtim mjekësor në QKUK. Pas tretmanit mjekësor njëri i lënduar është liruar, ndërsa i lënduari tjetër ka dorëzuar armën me gaz dhe tre fishekë dhe i njëjti është dërguar në qendrën e mbajtjes”, thuhet në raportin e policisë.

Ferizaj

Arrestohet një ish zyrtar i gjendjes civile në Ferizaj

Published

5 days ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.