Ferizaj

Reagim i RTV TEMA

Published

8 years ago

09 August, 2018

Në ueb-faqen e Komunës së Ferizajt sot është publikuar një listë e qiramarrësve borxhlinj ndaj këtij institucioni për vitin e largët 2004, në të cilën figuron edhe emri i subjektit Radio TEMA, me një borxh të pretenduar prej 3,000 Euro për shfrytëzim të 100m2 në Bibliotekën e Qytetit.
Është obligim yni të informojmë, se Radio TEMA nuk ka kurrfarë borxhi ndaj Komunes Ferizaj, pra obligimet tona ndaj Komunes Ferizaj janë 0.00 EUR.

1) Administrata e tanishme komunale duhet të “gropojë” edhe pak më shumë, që të gjejë faktet se Radio TEMA ka bërë kompenzim të qiramarrjes me blerje dhe furnizim të naftës për ngrohje në objektin bibliotekës, dhe se studentët që mësonin aty kanë pasur ambient shumë të qetë e të ngrohtë për studime. Këtë periudhë duhet ta kenë mbajtur në mend disa udhëheqës apo zyrtarë komunal që asokohe ishin studentë, nëse në ndërkohë u kanë “humbur” letrat.
Poashtu, në emër të kompensimit, Radio TEMA gjatë kësaj periudhe e ka punësuar edhe një punëtor ndihmës nga komuniteti joshumicë, për të kryer sherbimet e mirëmbajtjes në tërë objektin e bibliotekës.

2) Në njoftimin për përfundimin e kontratës të datës 03.02.2005 (foto), Komuna Ferizaj nuk ka cekur ndonjë obligim që Radio Tema ka ndaj Komunes Ferizaj, as atëherë, e as tash, përndryshe nuk do të mund t’i regjistronim veturat zyrtare dhe nga ky institucion nuk do të na lëshohej vërtetimi me 0.00 borxh tash e 13 vite me radhë.

3) Edhe po të ishte ndonjë obligim i mbetur, që nuk është, ky do të ishte objekt i Ligjit për Faljen e Borxheve 05/L-043. Mbetja e këtij borxhi të pretenduar do të ishte edhe një dëshmi për joefikasitetin e Komunës së Ferizajt në inkasimin e parave të veta ndër vite. Pra , thënë troç, borxhet e pretenduara të vitit 2004 tash e kanë vlerën aq sa edhe bora e vitit 2004.
4) Për punën e mirë të Radio TEMA, ky radiostacion atë vit është shpërblyer nga rrjeti ndërkombëtar i One World Radio, si produksioni më i mirë në gjuhën shqipe për vitin 2004.
Ndërsa nga Komuna e Ferizajt ky medium është “shpërblyer” me urdhër për largim, sepse aty i duhej arkivi i heshtur dhe jo një radio e pavarur që synon transparencën dhe llogaridhënien e qeverisë lokale.
Ky “shpërblim” nga Komuna e Ferizajt më 2005, i ka kushtuar Radios TEMA afro 23,000 EUR për zhvendosje të detyrueshme në një lokacion privat. Por zërin dhe punën nuk e ndalëm.
Dhe nuk kërkuam dëmshpërblim.

5) Për informim të plotë të publikut, jemi në situatë të kundërt me borxhe, dhe se borxhi aktual i arkëtueshëm që Komuna e Ferizajt ka ndaj QM TEMA është në vlerë 6,000 Euro.

Në fund, është mirë që Komuna e Ferizajt në vazhdën e ngritjes së transparencës, t’i publikojë të gjitha vendimet, dokumentet dhe faktet, dhe jo në formë selektive. Shoqëria civile e Ferizajt akoma po pret publikimin e detajeve të të GJITHA lejeve ndërtimore dhe të GJITHA vendimeve për subvencione.
Kjo do të ishte transparencë shembullore. Nëse i keni rendet.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar