Ferizaj

Merr flakë ”Mentori Center”, lëndohen dy zjarrfikës

Published

7 years ago

23 August, 2018

Mbrëmë pas orës 22:00, në rrugën “Vëllezërit Gërvalla” në Ferizaj, zjarri kaploi katin e tretë të qendrës tregtare “Mentori”. Pronari i kësaj qendre Rafiz Asllani, dyshon se zjarri u shkaktua nga energjia elektrike. Ai thotë se dëmet nga zjarri janë shumë të vogla.

“Ka qenë një defekt i natyrshëm, një defekt prej shtyllës deri në hyrje të objektit aty është bërë fërkimi i kabllove dhe është ndezur kabllo dhe intervenimi ka qenë nga brenda, djali i madh ka qëllu këtu dhe e ka shuar zjarrin derisa kanë ardhur zjarrfikësat zjarri vetëm se është lokalizu, pastaj kanë ardhur zjarrfikësat shumë shpejtë për çka edhe i falënderoj, dëme nuk ka, pak dëme ka, është thy një dritare për me shu zjarrin”, tha Asllani.

Gjatë intervenimit për të shuar zjarrin lëndime pësuan dy zjarrfikës.

“Kemi pasur disa lëndime të rënda nga tymi, pasi aty ka qenë zjarri afër rrymës dhe aty ka pasur shumë plastikë dhe plastika liron tym shumë të rëndë dhe i ka dëmtu zjarrfikësat në frymëmarrje, por sot janë mirë, jashtë rrezikut, njëri e ka pasur maskën tjetri jo, pasi njëri ka shku me i ndihmu kolegut dhe është lënduar, por tani është jashtë rrezikut”, tha Halil Osmani. komandant i Brigadës Zjarrfikëse.

Sipas komandatit të Brigadës Zjarrikëse në Ferizaj, shumica e zjarreve shkaktohen nga rryma për shkak të instalimit jo të mirë të saj. Osmani tregoi se gjatë intervimeve kanë probleme me KEDS-in të cilët vonohen në ndërprerjen e energjisë në raste të tilla.

Ferizaj

Në Ferizaj arrestohen dy të dyshuar për trafikim të kokainës

Published

1 day ago

29 October, 2025

Redaksia

Policia në Ferizaj ka arrestuar dy persona të dyshuar për trafikim narkotikësh.

Sipas raportit 24 orësh të policisë, gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.

Pos drogës, policia ka sekuestruar edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin.

Me vendim të prokurorit të dyshuarit janë dërguar në mbajtje.

Ferizaj

Një valixhe e gjetur në rrugën Doganaj–Brezovicë, policia kërkon pronarin

Published

2 days ago

28 October, 2025

webmaster

Policia Rajonale e Ferizajt ka njoftuar se në rrugën magjistrale Doganaj–Brezovicë, afër fshatit Duraj, është gjetur një valixhe e zezë që dyshohet se i ka rënë ndonjë udhëtari nga automjeti.

Sipas njoftimit të policisë, qytetari B. B. nga Kaçaniku ka raportuar se më 26 tetor, rreth orës 17:30, gjatë qarkullimit në këtë rrugë, kishte vërejtur valixhen në mes të rrugës dhe më pas e ka dorëzuar në stacionin policor në Kaçanik.

Gjatë kontrollimit të valixhes, janë gjetur disa rroba personale dhe mjete pune.

Policia ka bërë të ditur se valixhja ndodhet aktualisht në stacionin policor në Kaçanik dhe fton personin që e ka humbur të paraqitet për verifikim dhe marrje të valixhes.

Ferizaj

Arrestohet një i mitur në Ferizaj për tentim vrasje

Published

5 days ago

25 October, 2025

Redaksia

Policia ka arrestuar një të mitur në Ferizaj për vrasje në tentativë.

I dyshuari pas një mosmarrëveshjeje kishte therur një person tjetër.

Viktima është dërguar për trajtim në Qendrën Klinike Universitare të Kosovës në Prishtinë, kurse i i mituri i dyshuar është dërguar në mbajtje.

“Është arrestuar i dyshuari mashkull kosovar-i mitur, pasi që pas një mosmarrëveshje kishte therur me thikë viktimën mashkull kosovar. Viktima është dërguar në QKUK për tretman mjekësor. Me vendim të prokurorit i dyshuari është dërguar në mbajtje”, thuhet në raportin 24 orësh të policisë.