Ferizaj

Hapet ”Sport Vision” në Ferizaj

Published

7 years ago

30 August, 2018

“Sport Vision”, ka hapur qendrën më të re në Ferizaj në hapësirat e kompleksit “The Village”.

Valon Gashi nga “Sport Vision”, tha se kanë pasur kërkesa të shumta nga klientë ferizajas, prandaj kanë vendosur të jenë më afër tyre.

“Pasi që e kemi parë të arsyeshme me qenë më afër konsumatorit kemi vendosur me hap edhe një pikë në Ferizaj, kjo ka qenë arsyeja, qendra jonë përmban garderobë sportive të fitnesit, pra të gjitha çka duhen për sport, këtu na ka pëlqy vendi dhe kemi vendosë me ardhë këtu”, tha Valon Gashi.

Gashi tha se për nderë të hapjes, kanë paraparë edhe zbritje në të gjithë artikujt.

“Kemi -20% zbritje në të gjithë artikujt, pasi po e bëjmë hapjen e parë të qendrës këtu në Ferizaj dhe prandaj kemi vendos me bë këtë zbritje”, tha Gashi.

“Sport Vision” është përfaqësues i markave të njohura sportive Champion, Ellesse, Umbro, Neë Balance dhe shumë të tjera. Gjitashtu është partner i markave sportive Nike, Adidas, Reebok, Under Armour, prodhimet e të cilave mund të gjenden në këtë dyqan.

Ferizaj

Në Ferizaj arrestohen dy të dyshuar për trafikim të kokainës

Published

1 day ago

29 October, 2025

Redaksia

Policia në Ferizaj ka arrestuar dy persona të dyshuar për trafikim narkotikësh.

Sipas raportit 24 orësh të policisë, gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.

Pos drogës, policia ka sekuestruar edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin.

Me vendim të prokurorit të dyshuarit janë dërguar në mbajtje.

Ferizaj

Një valixhe e gjetur në rrugën Doganaj–Brezovicë, policia kërkon pronarin

Published

2 days ago

28 October, 2025

webmaster

Policia Rajonale e Ferizajt ka njoftuar se në rrugën magjistrale Doganaj–Brezovicë, afër fshatit Duraj, është gjetur një valixhe e zezë që dyshohet se i ka rënë ndonjë udhëtari nga automjeti.

Sipas njoftimit të policisë, qytetari B. B. nga Kaçaniku ka raportuar se më 26 tetor, rreth orës 17:30, gjatë qarkullimit në këtë rrugë, kishte vërejtur valixhen në mes të rrugës dhe më pas e ka dorëzuar në stacionin policor në Kaçanik.

Gjatë kontrollimit të valixhes, janë gjetur disa rroba personale dhe mjete pune.

Policia ka bërë të ditur se valixhja ndodhet aktualisht në stacionin policor në Kaçanik dhe fton personin që e ka humbur të paraqitet për verifikim dhe marrje të valixhes.

Ferizaj

Arrestohet një i mitur në Ferizaj për tentim vrasje

Published

5 days ago

25 October, 2025

Redaksia

Policia ka arrestuar një të mitur në Ferizaj për vrasje në tentativë.

I dyshuari pas një mosmarrëveshjeje kishte therur një person tjetër.

Viktima është dërguar për trajtim në Qendrën Klinike Universitare të Kosovës në Prishtinë, kurse i i mituri i dyshuar është dërguar në mbajtje.

“Është arrestuar i dyshuari mashkull kosovar-i mitur, pasi që pas një mosmarrëveshje kishte therur me thikë viktimën mashkull kosovar. Viktima është dërguar në QKUK për tretman mjekësor. Me vendim të prokurorit i dyshuari është dërguar në mbajtje”, thuhet në raportin 24 orësh të policisë.