Ferizaj

Çerdhet publike me mungesë të hapësirës dhe punëtorëve

Published

8 years ago

04 September, 2018

Që nga dje, dyert për fëmijë i kanë hapur edhe çerdhet publike në Ferizaj, pas 1 muaji pushim. Dy çerdhet publike që janë të vetmet në komunën e Ferizajt, “Ardhmëria Jonë” dhe “Engjujt”, tashmë kanë përfunduar të gjitha përgatitjet për të nisur mbarë këtë vit, mirëpo ajo që mbetet shqetësuese për këto institucione është mungesa e kapaciteteve për t’iu përgjigjur të gjitha kërkesave.

“Sot dhe dje kemi filluar sistematikisht me punu dhe secili fëmijë është përcaktu nëpër grupet e veta dhe ka fëmijë mjaftë, nuk ka shumë tepricë që me i ngarku klasët dhe me ulë efikasitetin e punës, numri është 200, por ende nuk është përfundimtar, pasi ndërkohë qytetarët ende thërrasin dhe njëherë përnjëherë gjithçka ka filluar mirë”, tha Zuhal Avdullahu, drejtoreshë e çerdhës “Ardhmëria Jonë”.

“Edhe ne si çdo kopsht tjetër dje kemi pasur fillimin e vitit të ri shkollor, ne jemi munduar me të gjitha përgatitjet që të jemi në nivel të duhur, i kemi kryer përgatitjet, kanë ardhur fëmijët e ri që janë pranuar për këtë vit, mirëpo sa janë kërkesat ne nuk mundemi me i realizu, aq shumë që kemi kërkesa për fëmijë të rinj dhe është e pamundur me i realizu, kapaciteti i kopshtit është për 250 fëmijë ne veçse 250 i kemi të regjistruar, stafi është i kualifikuar, i trajnuar dhe sa i përket plan-programeve e përgatitjeve të tjera gjithçka është në rregull”, tha Fatime Nuhiu- Reçica, drejtoreshë e kopshtit “Engjujt”.

Derisa në kopshtin “Engjujt” sfiduese mbetet mungesa e hapësirës, në çerdhen ”Ardhmëria Jonë” problem paraqet numri i vogël i stafit.

“Aq janë kërkesat e mëdha sa që edhe një objekt po të ishte në të njëjtin vend me këtë kapacitet ne nuk do të mundemi t’i përballojmë, nuk e di pse po ndodhë kjo, por e dimë se kërkesat janë shumë të mëdha”, tha Reçica.

“Më së shumti kemi vështirësi për punëtorë, e sidomos me stafin teknik, pasi është një sipërfaqe mbi 2000 metra katrorë dhe me dy punëtore është shumë problem me pastru, ndërsa e kemi pasur edhe një vulllnetare një vit, por prapë se prapë vështirë, ndërsa nëse nuk kthehen punëtorët që ishin me “Caritas” do të jetë shumë vështirë”, tha Avdullahu.

Derisa pushteti të vendos për ndërtimin e çerdheve të tjera publike, shumë fëmijëve do t’iu kufizohet e drejta për t’u regjistruar aty. Në kopshtet publike për një fëmijë paguhet 50 euro në muaj.

Ferizaj

Gjatë qershorit në Ferizaj janë konfiskuar 74 motoçikleta

Published

3 days ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

6 days ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

6 days ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.