Ferizaj

Zvogëlimi i numrit të nxënësve nëpër paralele, sfidë për shkollat

Published

8 years ago

04 September, 2018

Zotimi i kryetarit të komunës që në shkollat e mesme numri i nxënësve nëpër paralele do të jetë në maksimum 28, po i sfidon këto institucione. Shkolla e cila më së shumti po ballafaqohet me numër të madh të të interesuarëve për t’u regjistruar është gjimnazi “Dr.Shaban Hashani”. Derisa në këtë shkollë janë pranuar 364 nxënës, një numër i ngjashëm çdo ditë është para dyerve të këtij institucioni. Drejtori i kësaj shkolle Naser Osmani, tha se Drejtoria e Arsimit duhet ta bëj një zgjidhje më të menduar, pasi që presioni i prindërve dhe i nxënësve është shumë i madh.

“Fluksi dhe interesimi është jashtëzakonisht i madh, unë e kam paraqitur këtë çështje në Drejtorinë e Arsimit dhe po besoj se kjo drejtori do të gjej një zgjidhje, duke i shtuar paralelet apo duke bërë ndonjë zgjidhje tjetër. Është e vërtet që ne nuk kemi as hapësirë të mjaftueshme, por edhe për një paralele kemi vende. Përndryshe sipas asaj që shohim nga dokumentacionet të gjithë ata që po presin për t’u regjistruar sipas kritereve i plotësojnë kushtet për të qenë pjesë e kësaj shkolle, por që kanë mbetur jashtë listave nëpër shkollat e tjera siç janë mjekësia, gjimnazi shkencor dhe ajo e kompetencës. Thjesht ata kanë të drejtë, por neve tashmë na është përfunduar numri që kërkohet nga Drejtoria e Arsimit, prandaj i bëj thirrje kryetarit të komunës që ta rishqyrtoj këtë vendim”, tha Osmani.

Por, në anën tjetër, kryetari i komunës Agim Aliu, tash për tash është këmbëngulës që numri nëpër paralele të mbetet deri në 28 nxënës.

“Ashtu do të mbetet pavarësisht sfidave dhe atij presioni që është i kuptueshëm për natyrën emocionale dhe prindërore, por po besoj ne jemi duke dhënë një porosi shumë të qartë dhe vizioni jonë është që vërtet të jemi racional mbi të gjitha dhe të kemi të qartë se çfarë arsimi dëshirojmë të kemi në shkolla. Ky vendim do të jetë përfundimtar siç kam thënë në qershor të këtij viti ashtu mbetet edhe në këtë shtator, pra në paralelet e shkollave të mesme do të mbesin vetëm 28 nxënës, vendimi është i pakthyeshëm dhe do të zbatohet në secilën shkollë të mesme të komunës së Ferizajt”, tha Aliu.

Për zbatueshmërinë e këtij vendimi të kryetarit Aliu, mbetet të shihet në të ardhmen, meqë tradicionalisht numri i nxënësve nëpër paralele shtohet pas muajit shtator.

Aktualisht në gjimnazin ”Dr.Shaban Hashani”, numri i nënësve në klasët e 11-ta dhe 12-ta arrin në 45 nxënës në një paralele.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.