Ferizaj

Grabitësit ikin pa i marrë paratë pas refuzimit të shitëses për t’ua dhënë ato (VIDEO)

Published

8 years ago

07 September, 2018

Këto janë pamjet kur dy persona të maskuar dhe të armatosur tentojnë të grabisin marketin “Abi” në rrugën ”Gjon Serreçi” në Ferizaj. Mirëpo një gjë e tillë nuk ndodhi, pas rezistimit të shitëses Mirlinda Toshi për t’ua dhënë paratë. Ngjarja e ndodhur mbrëmë rreth orës 23:00 u filmua nga kamerat e këtij marketi.

“Mbrëmë rreth përfundimit të orarit të punës kanë ardhë dy persona të cilët kanë qenë të maskuar dhe me armë, më thoshin qiti paret po unë u thash që s’ka pare se i ka marrë shefi më herët dhe tash i thirrim policinë, kur ka shku kolegia me marrë telefonin ata kanë ikur, njëri ma ka drejtu armën, tjetri ka tentu me hy në arkë”, tha Mirlinda Toshi.

Kurse, në Policinë e Ferizajt, thanë se ende nuk kanë arritur t’i identifikojnë këta persona dhe se hetimet janë duke vazhduar.

“Mbrëmë rreth orës 22:50 minuta në rrugën “Gjon Serreçi” dy persona të maskuar njëri me armë ka hyrë në një market dhe kanë tentuar të grabisin, kanë kërkuar të hollat nga arkatari, por në momentin e fundit janë tërhequr dhe nuk kanë mundur me kry këtë vepër. Ka qenë gjeturi e njërës nga punëtoret e cila në atë moment ka marrë telefonin me thirrë Policinë dhe ata sigurisht janë frikësuar dhe janë larguar menjëherë nga vendi i ngjarjes pa e kryer veprën që e kanë menduar. Policia menjëherë ka dalë në vend të ngjarjes dhe ka organizuar ndjekjen e tyre dhe identifikimin e tyre, për momentin nuk kemi diçka konkrete, por jemi duke punuar në atë drejtim për kontrollimin e kamerave në atë rreth që të bëjmë identifikimin e personave në fjalë edhe pse ata kanë qenë të maskuar, por ne do t’i kryejmë veprimet tona policore”, tha Agim Gashi.

Përveç rastit të mbrëmshëm, para tri dite është grabitur një filial i bankës “Raiffeisen”, në magjistralen Ferizaj-Shkup, ku janë vjedhur disa të holla. Në Policinë e Ferizajt thanë se ditëve të fundit janë shtuar rastet e vjedhjeve, mirëpo ende nuk ka të arrestuar për vepra të tilla.

Ferizaj

Ndahet nga jeta veterani i UÇK-së, Avdi H. Ahmeti

Published

1 week ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 month ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 month ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.