Ferizaj

Fillojnë investimet në infrastrukturën e lagjes ”Sherret”

Published

8 years ago

13 September, 2018

Punët e investimeve komunale sot vazhduan tek lagjja “Sherret” në Ferizaj. Drejtues të qeverisë lokale bashkë me banorët e kësaj pjese të qytetit, kishin dalë së bashku të shohin nga afër nisjen e punimeve në projektin e kanalizimit, ujësjellësit dhe asfaltimit të rrugicave. Me këtë rast, kryetari i komunës Agim Aliu, tha se kjo është zona me e lënë anash nga dora e pushtetit.

“Prandaj jam i lumtur që sot përfundimisht po e mbyllim këtë kaptim që ka qenë i harruar nga pushtetet dhe nga investimet po ja që çdo gjëje i vie fundi dhe sot po përmbyllet një investim i nisur kaherë. Është dashur të kryhet në vitin 2014-2015, sipas planifikimeve, por ja u dashtë të pritet që pas katër viteve të rifillojnë punët sërish, të mbetura në gjysmë. Qeverisja ime do ta ketë vëmendjen e duhur që kjo zonë të jetë një zonë urbane dhe të kryhen projektet që përfshin kanalzimin atmosferik dhe atë fekal, po ashtu në disa pjesë sistemin e ujësjellësit aty ku është vjetëruar si dhe asfaltimet e rrugicave këndej“, tha Aliu.

Për t’i parë investimet që po ndodhin në vendlindje, pati qytetarë që pikërisht për këtë qëllim kishin ardhur nga vendet e Evropës.

“Përshëndes këtë qeveri e cila më në fund na mundësoj që edhe ne të prekim atë buxhet të vogël të tatimeve tona. Jam shumë i lumtur që më në fund u ndezën reflektorët për ta parë këtë lagje. Kemi pritur shumë dhe kjo ditë për mua si një njeri me dy atdhe, as këtu e as atje, edhe atje edhe këtu, pra kjo ditë na jep një mundësi për t’u relaksuar dhe motivuar”, tha Skënder Haliti.

“Ne kemi qenë të mbyllur në geto, pa rrugë, pa infrastrukturë tjetër, prandaj sot shpresojmë që ky projekt të realizohet dhe jemi mirënjohës që pushteti e kthej kokën nga ne”, Elmi Avdiu.

U përmend që pas investimeve në infrastrukturë, lagjen “Sherret” do ta presin edhe investime të tjera siç janë ato të natyrës sportive dhe rekreative. Vlera e projektit të nisur sot kap shumën buxhetore rreth 200 mijë euro.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim