Ferizaj

Kompleksi banesor që nuk na nevojë për aksione pastrimi

Published

8 years ago

15 September, 2018

Derisa në të gjithë Kosovën realizohej aksioni për pastrimin e mbeturinave, një gjë e tillë nuk po ndodhte në kompleksion banesor ”Euro Invest” në Ferizaj, meqë sipas banorëve që jetojnë aty, aksione të tilla në këtë kompleks realizohen çdo ditë.

“Këtu ambienti është shumë i mirë, shumë i pastër, kompania në fjalë “Euro Invest”e mirëmbanë shumë mirë, ka rregull, ka pastërti, këndi i fëmijëve është gjithmonë i mirëmbajtur dhe këtu për mendimin timë nuk ka nevojë për pastërti tjetër”, tha banori Nikollë Uka.

“Prej fillimit është pastërtia në nivel, ka rregull, edhe banorët e ruajnë, por ka ndihmës në vazhdimësi, këtu nuk ka nevojë për aksione “Ta pastrojmë Kosovën”, tha banori Ramadan Hasimi.

“Jam shumë e kënaqur me këtë ambient, për pastërti shihet gjithmonë, edhe pse është duke u bërë ndërtim ende, jo që jetoj unë këtu, por kam dëgju edhe nga të tjerët që këtu është shumë më mirë, ndërsa për mbeturina këtu nuk bëhet fjalë, nuk ka asnjëherë”, tha banorja e këtij kompleksi Hanumshahe Hoxha.

Kompleksi ”Euro Invest” ka nisur së ndërtuari në vitin 2011, ndërsa planifikohet që brenda tij të ndërtohen edhe objekte të tjera banesore.

Ferizaj

Ferizajasi dorëzon në polici portofolin e gjetur me dokumente dhe 160 €

Published

1 hour ago

19 June, 2026

Redaksia

Një qytetar nga Ferizaj ka gjetur një portofol me dokumente personale dhe 160 € të cilat i ka dorëzuar në polici. Portofoli ishte gjetur të enjten (18.06.2026), rreth orës 18:00.

Më pas në stacion është paraqitur edhe pronari i portofolit, të cilit i janë kthyer dokumentet dhe paratë.

“Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj.

Menjëherë pas gjetjes, ai e ka dorëzuar portofolin në stacionin policor në Ferizaj.

Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh”, ka njoftuar Policia e Kosovës në Facebook.

Ferizaj

Sekuestrohen 60 kg marihuanë dhe arrestohen katër të dyshuar

Published

18 hours ago

18 June, 2026

Redaksia

Policia e Kosovës ka arrestuar 4 persona pasi zbuloi dhe sekuestroi rreth 60 kilogramë substancë narkotike të dyshuar të llojit marihuanë.

Kjo sasi e narkotikëve u sekuestrua pas një aksioni në dy lokacione në Prishtinë dhe në fshatin Babush të Ferizajt.

Aksioni i policisë u realizua në bashkëpunim me Prokurorinë Themelore Prishtinë dhe Agjencinë e Kosovës për Inteligjencë (AKI), pas zhvillimit të hetimeve disa mujore dhe zbatimit të masave të veçanta hetimore.

Të arrestuarve, një (1) shtetas i Republikës së Kosovës, dy (2) shtetas të Republikës së Serbisë dhe një (1) shtetas i Republikës së Shqipërisë, u është caktuar masa e ndalimit për 48 orë, për shkak se të njëjtit dyshohen për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”

Gjatë këtij aksioni janë sekuestruar edhe dy (2) vetura, dhe një (1) kamion.

Ferizaj

“Ecim me policinë tonë” – Aktivitet në shënim të Ditës së Çlirimit të Ferizajt

Published

1 week ago

11 June, 2026

Redaksia

Në shënim të Ditës së Çlirimit, Stacioni policor në Ferizaj, organizon më 12 Qershor ecjen e përbashkët me Forcën e Sigurisë, institucionet lokale, shoqërinë civile, klubet sportive dhe organizatat e ndryshme.

Në njoftim bëhet e ditur se aktiviteti do të nisë nga Palestra e Sporteve “Bill Clinton”, fiks nga ora 08:30 dhe do të përmbyllet në Parkun e Lirisë, ku do të organizohet një koktej rasti, si dhe do të zhvillohen rrëfime historike nga pjesëmarrësit dhe diskutime të hapura mbi rëndësinë e kësaj dite dhe vlerat e saj.

Bashkohuni me ne në Ecjen për Lirinë – në rrugëtimin e përbashkët në nderim të Ditës së Çlirimit”, thuhet mes tjerash në ftesën e Stacionit policor të Ferizajt.