Ferizaj

Mbi 350 vullnetarë i bashkohen aksionit ”Ta pastrojmë Kosovën” në Ferizaj

Published

8 years ago

15 September, 2018

Aksionit “Ta pastrojmë Kosovën” i është bashkuar edhe komuna e Ferizajt. Në këtë aksion morën pjesë përfaqësues të institucioneve lokale, shoqërisë civile, mediave dhe qytetarët.

Në Ferizaj, ky aksion nisi nga deponia ilegale në fshatin Dremjak. Kryetari i Ferizajt Agim Aliu, duke kërkuar ngritje të vetëdijësimit qytetarë për ambient të pastër, tha se po punon që Ferizaj të jetë shembull në këtë aspekt.

“Ne jemi për të ngritur vetëdijën qytetare që të jetojmë dhe të punojmë për ambiente më të pastërta dhe do të tregojmë vazhdueshëm qëndrueshmërinë e aksioneve tona. Ju siç po e shiheni edhe pa vendimin e Qeverisë së Republikës së Kosovës, qeverisja ime komunale ka pas filluar të marrë disa veprimet në mënyrë që kjo zonë të jetë zonë e gjelbër, zonë e pastër, sepse në fakt gjatë këtyre tetë muajve të qeverisjes sime ka pasur konsistencë të aksioneve që të pastrohet i gjithë ambienti i territorit të komunës së Ferizajt dhe jo rastësisht sot kemi ardhur tek numri i 100 deponive ilegale të cilat ne i kemi hequr. Sigurisht se ne mund t’i heqim edhe 100 të tjera dhe sigurisht që edhe gjatë këtyre tre muajve do të bëhet kjo punë, por prapë do të jetë e pamjaftueshme heqja e deponive të tilla, pa një ndryshim të mentalitetit dhe pa një angazhim të të gjithë qytetarëve për të krijuar një kulturë të re”, tha Aliu.

Kenan Gashi, koordinator regjional i këtij aksioni, tha se janë mbi 350 vullnetarë që janë angazhuar për këtë ditë, por edhe punonjës të të gjitha institucioneve.

“Aksioni ka filluar shumë mirë dhe besoj që çdo akterë i nivelit lokal i është përgjigjur këtij aksioni, po besoj se kjo është një ditë shumë e madhe për mjedisin”, tha Gashi.

Aksionit “Ta pastrojmë Kosovën” iu bashkuan edhe mediat e Ferizajt.

“Përkundër obligimeve që kemi si gazetarë dhe për ta përcjell këtë aktivitet ne sot jemi bërë pjesë e kësaj fushate “Ta Pastrojmë Kosovën”, duke qenë pjesë aktive si çdoherë e shoqërisë civile, unë falënderoj të gjtihë kolegët që i janë përgjigjur ftesës dhe shpresoj që ky aktivitet të mos ndalet asnjëherë”, tha gazetari Driton Ramadani.

“Aksioni për pastrimin e mjedisit është i mirë, çdo gjë që pastrohet është në të mirën tonë, në të mirë të shëndetit tonë, shpresoj që me këto aksione do të rritet edhe vetëdija”, tha kameramani Agron Misini.

Mosha e shtyrë nuk e pengoi as qytetarin Osman Trushupa, që të kontribuojë në pastrimin e qytetit.

“Me shokë tubova disa letra ku kanë qenë dhe jam i kënaqur që po bëhet pastrimi në tërë Kosovën, Kosova ka nevojë për këtë pastrim”, tha Osman Trushupa.

Aksioni “Ta pastrojmë Kosovën” i filluar sot, do të vazhdojë deri më 15 dhjetor.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

7 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar