Ferizaj

PAI vlerëson lartë punën e qeverisë lokale

Published

8 years ago

15 September, 2018

Kryetari i Partisë së Ashkalinjve për Integrim në Ferizaj Qazim Rrahmani, thirri konferencë për media për të lavdëruar punën e qeverisjes lokale. Rrahmani tha se që nga marrja e mandatit nga kryetari Aliu, jeta e komuniteteve në Ferizaj ka ndryshuar pozitivisht.

“PAI, vlerëson pozitivisht punën, angazhimin dhe sukseset e kryetarit Aliu në bashkëpunim me të gjithë strukturën e tij të drejtorëve dhe qasja e ekzekutivit të komunës ndaj komuniteteve ka qenë shumë reale, shumë e drejtë, ka qenë e suksesshme dhe ne jemi shumë të kënaqur me punën e tyre të deritanishme”, tha Rrahmani.

Rrahmani thotë se përkrahja për komunitetin RAE në Ferizaj, ka nisur qysh me emërimin e nënkryetarit Florim Bajrami.

“Nga kryetari Aliu me vullnetin e tij dhe me të gjithë anëtarët e asamblesë komunale është emëruar nënkryetari Florim Bajrami dhe ky hap i tyre i jep një qasje më të mirë komunës që të jenë të barabartë, këtë muaj kemi filluar me kërkesën tonë që të bëhet ndriçimi publik në të gjitha lagjet e qytetit dhe ka filluar në Dubravë e disa lagje të tjera, kemi drejtuar edhe kërkesat për rregullimin e rrugëve që janë mungesë dhe gatishmëria e ekzekutivit është që t’i bëj. Çka është me rëndësi që asnjë nxënës i komunitetit nuk ka mbetur pa u regjistruar në shkollat e mesme dhe të gjithë nxënësit janë sistemuar ku ata kanë dëshiruar dhe kjo është për t’u vlerësuar”, tha Rrahmani.

Rrahmani bëri të ditur se kanë fituar një projekt nga Ministria e Punës dhe Mirëqenies Sociale për ndërtimin e 11 shtëpive, duke apeluar për ndihmë teknike tek organet komunale.

Ferizaj

Ferizaj kualifikohet në finale të Kupës së Kosovës në futboll

Published

15 hours ago

22 April, 2026

Redaksia

Futbollistët e Ferizajt u kualifikuan për në finalen e Kupës së Kosovës në futboll, pasi në gjysmëfinale eliminuan ekipin e Llapit me rezultat të përgjithshëm 2:1.

Ndeshja e kthimit, e zhvilluar sot në stadiumin e qytetit të Ferizajt, përfundoi pa gola 0-0, por falë fitores prej 2-1 si mysafir në ndeshjen e parë, ferizajasit siguruan vendin në finalen e madhe ku do të përballen me Dukagjinin, i cili në gjysmëfinalen tjetër, eliminoi Ballkanin me rezultat të përgjithshëm 6:2.

Takimi i sotëm në Ferizaj u ndërpre për disa minuta pas hedhjes të gjësendeve në fushë nga shikuesit, për të vazhduar vetëm pas largimit të tërësishëm të shikuesve nga tribunat.

Kjo do të jetë finalja e tretë për ferizajasit, pas asaj të edicionit 2011/2012 kur humbi nga Trepça ’89 dhe finales së edicionit 2012/2013 të cilën e humbi nga Prishtina.

Ferizaj

Humb jetën nxënësi 15 vjeçar në ambientet gjimnazit në Ferizaj

Published

6 days ago

17 April, 2026

Redaksia

Një nxënës ka humbur jetën në ambientet shkollore të gjimnazit “Kuvendi i Arbërit” në Ferizaj.

Sipas policisë, viktima është rrëzuar pa ndjenja në sallën e edukatës fizike dhe me urgjencë është dërguar në Qendrën Emergjente në Ferizaj, ku pavarësisht trajtimit mjekësor, ka ndërruar jetë.

“Me datë 17.04.2026, rreth orës 15:15, është pranuar një informatë se në shkollën e mesme “Kuvendi i Arbërit”, në rrugën “Brahim Ademi” në Ferizaj, një nxënës mashkull (15 vjeç), në rrethana ende të panjohura, është rrëzuar pa ndjenja në sallën e edukatës fizike”, njoftoi zëdhënësi i Policisë për rajonin e Ferizajt, Kanun Veseli.

Në vendngjarje, rastin janë duke e trajtuar hetuesit e stacionit, ata rajonalë dhe krimteknikët ndërsa me urdhër të prokurorit të shtetit, trupi i pajetë është dërguar në Institutin e Mjekësisë Ligjore për obduksion.

Ferizaj

Lëndohet një punëtor pasi bie nga një ndërtesë në Ferizaj

Published

6 days ago

17 April, 2026

Redaksia

Një punëtor 46-vjeçar ka pësuar lëndime të rënda pasi ka rënë nga kati i dytë i një objekti, në rrugën “Uran Tinova” në Ferizaj.

Për shkak të lëndimeve të pësuara, punëtori fillimisht është dërguar për ndihmë mjekësore në Qendrën Emergjente në Ferizaj, e më pas në Qendrën Klinike Universitare të Kosovës (QKUK).

“Ju njoftojmë se sot, rreth orës 12:40, kemi pranuar një informatë se në rrugën “Uran Tinova” në Ferizaj , në një objekt në ndërtim, një punëtor është rrëzuar, dyshohet nga kati i dytë në vendin e punës. Sipas informatave të para nga vendi i ngjarjes, bëhet fjalë për punëtorin, 46 vjeç.

Për shkak të lëndimeve të pësuara, fillimisht është dërguar për ndihmë mjekësore në Qendrën Emergjente në Ferizaj, e më pas në QKUK në Prishtinë. Patrullat policore dhe njësitet e hetimeve kanë dalë në vendin e ngjarjes”, ka bërë të ditur zëdhënësi i Policisë për rajonin e Ferizajt, Kanun Veseli.

Ndryshe, brenda dy javëve të fundit ky është rasti i tretë i aksidenteve në punë për shkak të rënies nga lartësia në objekte ndërtimi në Ferizaj.