Ferizaj

Seanca gjyqësore ndaj Faik Graincës në fillim të tetorit

Published

8 years ago

20 September, 2018

U bënë shtatë muaj që kur Gjykata Themelore e Ferizajt zhvilloi seancën e parë gjyqësore ndaj ish-drejtorit të Urbanizmit në Ferizaj Faik Grainca, mirëpo deri më sot akoma nuk ka ndonjë epilog. Drejtues të këtij institucioni nuk po konsiderojnë se procesi është vonuar, por po arsyetohen se procedurat gjyqësore kanë bërë që ky rast ende të mos përfundoj. Kryetari i Gjykatës Themelore në Ferizaj Bashkim Hyseni, tregoi se pas ankesave dhe kundërshtimit që ka bërë pala akuzuese, rasti ka shkuar në Gjykatë të Apelit dhe pas kthimit të saj në Gjykatën e Ferizajt, seanca e radhës është caktuar të zhvillohet në fillim të tetorit.

“Çështja për të cilën po referoheni është në stadin procedural ku gjatë fillimit të muajit tetor do të filloj faza e shqyrtimit gjyqësor, pasi që deri më tani ka qenë në faza të mëhershme, gjegjësisht është përfunduar faza e shqyrtimit fillestar dhe njëkohësisht është vendos për kundërshtimet e të pandehurve që i kanë bërë aktakuzës, pra kundërshtimet janë vendosur më 12 qershor të këtij viti dhe pastaj ka marrë kohë edhe procedura në Gjykatën e Apelit, mirëpo tashmë kjo fazë ka përfundur dhe në fillim të tetorit do të mbahet seanca e Ferizajt”, tha ai.

Edhe pse institucionet e drejtësisë në Kosovë po thirren që rastet e keqpërdorimit të detyrës zyrtare ku përfshihen drejtues të lartë të institucioneve do të kenë më shumë prioritet nga Prokuroria dhe Gjykata, ky zotim jo gjithmonë mbetet i realizueshëm.

“Është çështje e procedurave që një stad i procedurës nganjëherë merr kohë dhe të pandehurit kanë të drejtë ta kundërshtojnë aktakuzën dhe pastaj duhet të vendos gjyqëtari i çështjes dhe pas vendosjes nga ana e tij, ata kanë të drejtë që të atakojnë tek Gjykata e Apelit dhe derisa Gjykata e Apelit të vendos procedurat marrin kohë, mirëpo sa i përket kësaj lënde është brenda kornizave ligjore dhe kohore”, tha Hyseni.

Prokuroria Themelore në Ferizaj, në fund të muajit dhjetor të vitit të kaluar, ka ngritur aktakuzë ndaj Faik Graincës, i cili po akuzohet se më 9 gusht 2017 në cilësi të drejtorit në Drejtorinë e Urbanizmit dhe Mjedisit në Komunën e Ferizajt dhe si person përgjegjës i komisionit për shqyrtim të Planit Zhvillimor Komunal, ka tejkaluar kompetencat e tij zyrtare, duke i shkelur të drejtat e personave tjerë. Sipas aktakuzës, Grainca, duke ushtruar detyrën zyrtare në këto cilësi, nuk i ka verifikuar nënshkrimet në një peticion të qytetarëve, i cili kishte të bënte me Planin Zhvillimor për zonën 8, të rrugës “Astrit Bytyqi” në Ferizaj, e të cilat nënshkrime kishin rezultuar të jenë të falsifikuara. Tutje, në akuzë thuhet se tani i akuzuari Faik Grainca, ka qenë në dijeni se këto nënshkrime janë të falsifikuara ku si pasojë është lejuar që rruga “Astrit Bytyqi”, të mbetet banim kolektiv, edhe pse qytetarët e kësaj rruge kanë qenë për banim individual.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

13 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar