Ferizaj

Koloni artistike në shënimin e 20 vjetorit të ”Epopesë së Jezercit”

Published

8 years ago

26 September, 2018

Këta artistë ferizajas u ngjitën sot në fshatin heroik, ku këto ditë po shënohet “Epopeja e lavdishme e Jezercit”. Qëllimi i tyre është shumë human dhe mirënjohës, sepse këta piktorë gjatë ditës sotme punuan vepra arti me motive lufte, të cilat do t’iu dedikohen figurave të vlerësuara që Organizata e Vetëranëve të Luftës do t’ua dorëzoj për këtë 20 vjetor të “Epopesë së Jezercit”. Edhe ky aktivitetet po zhvillohet në kuadër të agjendës së ngjarjeve që janë planifikuar këtë javë për shënimin e kësaj epopeje.

“Sot artistët janë këtu për të punuar në këtë koloni artistike e cila është përzgjdhur të ndodhë pikërisht në vendin ku edhe është bërë beteja e Jezercit. Besoj se pjesëmrrësit e kësaj kolonie këtu do të kenë më shumë frymëzim dhe do të dalin piktura sa më të mira, në mënyrë që më pas ato të shpërndahen si dhurata për shoqatat e dala nga lufta. Natyrisht që tema e kësaj kolonie artsitike është me motive të luftës së fundit, prandaj edhe jemi këtu”, tha drejtoresha e kulturës Xhemile Murati-Shabani.

Këto aktivitete të “Epopesë së Jezercit” po përcillen nga afër gjithmonë edhe nga drejtues të shoqatave të dala nga lufta. Luan Jahiri nga Organizata e Veteranëve të Luftës së UÇK-së, tha se punimet e artistëve gjatë tërë ditës do të mund të vizitohen nga qytetarët.

“Ne do të jemi gjatë tërë ditës këtu, do t’i përcjellim grupe grupe që dëshirojnë të vijnë, pastaj në orët e pasditës do të vijnë ish-ushtarë të kësaj ane, por qëllimi është që shikuesit do të qëndrojnë vetëm nga pak, në mënyrë që mos të pengohet puna që këta njohës të artit figurativ do të punojnë në këtë koloni”, tha Luan Jahiri.

E, derisa institucionet lokale dhe shoqatata e dala nga lufta po shënojnë “Epopenë e lavdishme të Jezercit”, pikërisht në këtë vend ku po realizohet kjo koloni artistike, është një gjysmë lapidari, i cili po ashtu i bëri gati 20 vjet e asnjëherë nuk arriti të përfundoj ashtu siç e pati qëllimin. Sido që të jetë, rrugët të cilat të shpien për Jezerec sot ishin kuq e zi, e që me këta flamuj jepej pak shpresë që Jezerci këto ditë ka atmosferë festive e përkujtimore.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim