Ferizaj

Limaj takon strukturat e Nismës në rajonin e Ferizajt

Published

7 years ago

06 October, 2018

Lideri i Nismës Socialdemokrate, Fatmir Limaj, është takuar me strukturat e kësaj partie në rajonin e Ferizajt, ku u diskutua për punën një vjeçare të degëve të këtij rajoni.

Ai tregoi për objektivat e partisë që udhëheq.

“Objektiv i Nismës ka qenë tu jepet mundësi intelektualëve të cilët nuk kanë pasur hapësirë me i shërby vendit dhe ne kemi arritur të ndërtojmë një armatë të djemëve e vajzave të cilët janë aktiv dhe japin kontribut për temat që janë të rëndësishme për vendin dhe kjo quhet aktivizim i një shoqërie që është përball problemeve që ballafaqohet vendi dhe ky është hap i mirë për ne”, tha Limaj.

Kurse, kryetarët e degëve të kësaj partie në rajonin e Ferizajt, treguan për funksionimin e Nismës nëpër qytetet ku ata udhëheqin .

“Tani jemi të gatshëm për çdo proces që mund të ndodhë, pasi besoj që jemi të konsoliduar mjaftë mirë”, tha kryetari i Nismës Socialdemokrate në Kllokot.

“Dega e Nismës në Kaçanik aktualisht i ka 140 anëtarë të rregullt, por jemi duke punuar që ta rrisim këtë numër të anëtarëve, prandaj me këtë mund të them se ne jemi të gatshëm për çfarëdo lloj procesi që na del përpara”, tha kryetari i degës në Kaçanik.

Limaj njoftoi se takime të tilla do të mbajë me të gjitha strukturat e partisë së tij për të parë se çka është arritur deri më tani në të gjitha komunat.

Ferizaj

Arrestohet i dyshuari që sulmoi dhe lëndoi rëndë një person tjetër

Published

2 days ago

10 February, 2026

Redaksia

Policia e Ferizajt ka arrestuar një person, të dyshuar për përfshirje në veprën penale “Lëndim i rëndë trupor”.

Në raportin e policisë bëhet e ditur se rasti ndodhi të hënën mbrëma, 09.02.2026, rreth orës 22:30

“Është arrestuar i dyshuari mashkull kosovar pasi që i njëjti pas një mosmarrëveshje dyshohet se kishte sulmuar viktimën mashkull kosovar. Viktima është dërguar për tretman mjekësor në QKUK, ndërsa i dyshuari pas intervistimit me vendim të prokurorit është dërguar në mbajtje.”

Ferizaj

Arrestohet një person në Ferizaj, i sekuestrohen drogë, para dhe armë

Published

2 days ago

10 February, 2026

Redaksia

Një person është arrestuar në Ferizaj nën dyshimin për veprat penale “Posedim i narkotikëve” dhe “Posedim i paautorizuar i armës”.

Në raportin 24 orësh, policia tha se gjatë kontrollit të të dyshuarit, janë gjetur dhe sekuestruar dy qese me peshë 1.75 gram kokainë, një epruvetë me kokainë me peshë rreth 10.68 gram si dhe 6155 euro para të gatshme.

“Në konsultim me prokurorin është bërë kontrolli ne zyrën si dhe në shtëpinë e tij ku gjatë kontrollit janë gjetur dhe sekuestruar: një qese me substancë të dyshuar narkotike të llojit kokainë me peshë rreth 19.10 gram, një revole me një karikator dhe katër fishekë, një veturë, gjashtë telefona celular, para në prerje letre rreth 7535 euro dhe 20 durham, një sprej si dhe dy fletore me shënime”, thuhet mes tjerash në raport..

Me vendim të prokurorit pas intervistimit i dyshuari është dërguar në mbajtje.

Ferizaj

Brenda javës së kaluar policia në Ferizaj shqiptoi 1567 gjoba dhe pezulloi 21 patentë shoferë

Published

3 days ago

09 February, 2026

Redaksia

Gjatë javës së kaluar, Policia e Kosovës ka shqiptuar 1.567 gjoba për kundërvajtje në trafik si dhe ka pezulluar 21 patenta për shoferët që kanë kryer shkelje të rënda në trafik.

Po ashtu, në këtë periudhë kohore janë regjistruar gjithsej 35 aksidente. Në 12 prej tyre kanë mbetur të lënduar 15 persona, ndërsa 23 aksidente të tjera ishin vetëm me dëme materiale

Sipas statistikave të publikuara, vetëm gjatë muajit janar 2026, Policia Rajonale e Ferizajt ka gjobitur 6,914 shoferë për kundërvajtje të ndryshme në komunikacion, që krahasuar me periudhën e njëjtë të vitit të kaluar paraqet rritje prej 45.3%.