Ferizaj

Ferizaj me marsh kundër kancerit të gjirit

Published

8 years ago

16 October, 2018

Dhjetëra aktiviste, punëtore shëndetësore, zyrtare të institucioneve të nivelit lokal dhe qendror, marshuan sot në sheshin e qytetit të Ferizajt, në kuadër të muajit sensibilizues për luftën kundër kancerit të gjirit. Edhe kjo ngjarje e cila renditet pas shumë aktiviteteve të tjera që gjatë muajit tetor u shënuan në Ferizaj, pati përkrahje nga kryesuesja e Kuvendit Kristina Gashi-Bytyqi, si dhe asamblistet e Kuvendit Komunal të Ferizajt.

“Përmes aktiviteteve të ndryshme jo vetëm të këtij muaji tetor, por çdo ditë të vitit unë ju përcjell mesazhin që ato që janë të prekura nga kanceri i gjirit nuk janë të vetmet në këtë betejë, ato e kanë përkrahjen e gjithë shoqërisë dhe institucioneve tona. Sfidat janë ato që e bëjnë interesante dhe tejkalimi i tyre është ajo që e bën jetën më kuptimplotë”, tha Kristina Gashi-Bytyqi.

Në këtë marsh sensibilizues për sëmundjen e kancerit të gjirit, ishte e pranishme edhe deputetja e Parlamentit të Kosovës Mexhide Mjaku-Topalli. Ajo u bëri thirrje të gjitha grave që të kujdesen në radhë të parë për veten dhe mos t’i neglizhojnë kontrollet mjekësore.

“Shtrohet pyetja se a është ende e nevojshme që ne të punojmë në sensibilizimin e kësaj sëmundje, unë nuk e përjashtoj mundësinë që është e nevojshme që të punojmë në këtë drejtim, por duhet të punojmë edhe me shumë për të bërë politika më të qëndrueshme dhe më të kapshme. Mendoj se duhet të jetë një mundësi edhe më e madhe që në institucionet tona ku mungojnë mamografët e ultazëri të plotësohen, por nëse radiologët na mungojnë atëherë qeveria duhet t’i plotësoj institucionet shëndetësore me këto resurse”, tha Mexhide Mjaku-Topalli.

Pas marshit, pjesëmarrëset e këtij aktiviteti patën rastin që për një orë të dëgjojnë ligjërata për sëmundjen e kancerit të gjirit nga radiologia Teuta Abazi, si dhe nga doktoresha e mjekësisë familjare Ganimete Bajrami. Kjo e fundit tregoi se Qendra Kryesore e Mjekësisë Familjare në Ferizaj, gjatë gjithë vitit luan një rol të rëndësishëm në këshillimin e grave sa i përket zbulimit të hershëm të kësaj sëmundje.

“Në kuadër të QKMF-së është grupi i infermiereve të cilat çdo fëmijë që lind janë të obliguara të shkojnë tek çdo shtëpi për të bërë promovimin së pari të gjidhënies dhe më këtë rast ato i këshillojnë nënat për sëmundjen e kancerit të gjirit dhe ofrimin e shërbimeve që kryejnë institucionet shëndetësore tek ne lidhur me këtë sëmundje”, tha Bajrami.

Ndërkaq, grupi i grave aktiviste të Ferizajt, që tash e një javë vizituan shumë zona e fshatra të kësaj komune, treguan se nuk janë ndarë të kënaqura me rezultatet çfare ka sjell terreni. Dashurije Uksmajli, përfaqësuese e këtij grupi, tha se gratë nëpër vende rurale kryesisht pak janë të informuara se si mund ta zbulojnë më herët kancerin e gjirit.

“Ne gjetëm disa të dhëna jo të mira fatkeqësisht, pasi që gratë ishin shumë pak të informuara rreth kancerit te gjirit, mbi 90 për qind e tyre nuk e kishin bërë asnjëherë mamografinë, ndërsa një pjesë e madhe e tyre kishin frikë nga rezultati pas bërjes së mamografit që për ne ishte një përgjigje e çuditshme”, tha Uksmajli.

Në aktivitetet që sot u shënun për ndërgjegjësimin lidhur me luftën kundër kancerit të gjirit nuk u pa asnjë burrë, madje as ata që përfaqësojnë organet komunale.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

2 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

3 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

6 days ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.