Ferizaj

Vazhdojnë investimet infrastrukturore në Ferizaj

Published

7 years ago

17 October, 2018

Moti i mirë ka bërë që rrugët shkatërruara të qytetit të asfaltohen me intensitet më të lartë para të reshurave. Sot në zonën urbane të Ferizajt nisi asfaltimi i rrugës së Reçakut, njëra nga më të frekuentuarat. Ky investim që po realizohet me buxhet të Ministrisë së Administrimit të Pushtetit Lokal, u vlerësua si një projekt tejet i rëndësishëm për komunën e Ferizajt. Kryetari i komunës së Ferizajt Agim Aliu, tha se këtu nuk po bëhet vetëm asfaltimi, por edhe e gjithë infrastruktura tjetër përcjellëse.

“Është një ristrukturim i tërësishëm i kësaj rruge që përfshin një pjesë kanalizim fekal dhe atmosferik dhe pjesa tjetër është ajo që përfshin ristrukturim të rrugës që do të shtrohet me dy shtresa asfalti dhe po ashtu edhe trotuari dhe shtegu për biçiklistë. Pra, kemi tërhequr vëmendjen në këtë pjesë sepse e llogarisim një pjesë tepër të rëndësishme të qytetit për faktin që është një zonë e qetë ku qytetarët do të kenë siguri, por edhe shteg të biçiklistëve”, tha Aliu.

Infrastruktura e rrugës së Reçakut e gjatë rreth 1 kilometërshe po kushton rreth 150 mijë euro.

Gjatë ditës së sotme u asfaltua edhe një tjetër rrugë më e shkurtër në qytetin e Ferizajt. Është kjo rruga “Rexhep Mala” e cila u tha se do të krijoj një lidhje të re me rrugën “Astrit Bytyqi”.

E, para se komuna të marrë vendim për asfaltimin e kësaj rruge, kërkesa drejtuar kryetarit të komunës ishte më ndryshe se herave të tjera. Këtu rolin kryesor për këtë investim u tha se e luajtën gratë e lagjes, të cilat ditë më parë kishin shkuar në komunë për të kërkuar me këmbëngulje këtë projekt që u mungonte prej kohësh.

“Po e çoj një meshavinë qatje ku janë tubue, sepse jemi gëzu shumë që rrugën naj kanë shtru. Jena gëzu shumë se këtu u bajke lloç e nanat kanë vujtë shumë për fëmijët e tyre”, tha plaka Hysnije Riza.

Përveç kësaj, gratë e rruges “Rexhep Mala” ishin kujdesur që të parin e komunës ta presin edhe me bakllava.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim