Ferizaj

22 tetorin e vitit 2017, Migjeni e kujton si ditën kur triumfoi kanalizimi e jo inovacioni

Published

7 years ago

22 October, 2018

“Dita kur nuk triumfoi inovacioni, por kanalizimi”. Me këtë fjali të publikuar në rrjetin social facebook, ish-asamblisti i Kuvendit të Ferizaj dhe veterani i UÇK-së Bashkim Fazliu-Migjeni, e ka kujtuar 22 tetorin e vitit të kalur, ditën kur u mbajtën zgjedhjet lokale në Ferizaj. Ai tha se për gjendjen në të cilën ndodhet vendi ynë fajtorë janë vetë qytetarët.

“Duke parë faktin që edhe një vit pas nuk kanë lëvziur shumë gjërat dhe nuk pritet me lëviz, por opinoni e ka ditur që motoja e fushatës sime është e bazuar kryesisht në inovacion dhe e kam pasur termin mentaliteti i inovacionit apo kanalizimit dhe pa e ofenduar askënd e kam pasur cilësimin tek qasja ndaj punës, konceptit se a je për progres ku është bota e përparuar apo je me disa punë që merren edhe afrikanët. Tash mua më vjen keq për qytetarët tanë që kanë humbur shumë edhe vazhdojnë të humbasin shumë me këtë mentalitet që kanë”, theksoi ai.

Fazliu, tha se qytetarëve të Kosovës u duhet edhe një dekadë për të ndryshuar tërësinë e pikëpamjeve politike.

“Në tërë Kosovën edhe në nivel qëndror edhe lokal dominon mentaliteti i kanalizimit dhe me një mentalitet të tillë ne nuk mund të integrohemi në BE, edhe pse tash kanë fillu me përmend inovacionin, por duhet me ditë kush është ekspert i fushës. Në bazë të analizës sime duhet të shkoj të paktën edhe një dekadë për me u emancipu niveli i qytetarëve tanë”, tha Fazliu.

Kryetari i Nismës Qytetare për Ferizajn, Bashkim Fazliu-Migjeni, në mandatin e kaluar ishte anëtar i Kuvendit Komunal, si dhe partia e tij ishte në bashkëqeverisje me LDK-në dhe AAK-në. Mirëpo në zgjedhjet e fundit, NQF nuk arriti të fitoj asnjë ulëse në Kuvendin Komunal.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

3 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

4 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim