Ferizaj

600 libra i dhurohen shkollës fillore ”Bilall Shala”

Published

7 years ago

23 October, 2018

Biblioteka e shkollës fillore “Bilall Shala” në Lloshkobare, është pasuruar me 600 libra të ri, donacion nga bashkatdhetari Zenel Kalanica, i cili jeton në Zvicër. Kalanica, i cili është nga fshati Llojza, tregoi për idenë e kësaj iniciative.

“Ideja ka qenë e Eqrem Ejupit, më takoi një ditë dhe më tha që kemi dëshirë ta mbushim bibliotekën tonë pasi kemi mungesë, mandej ne e kemi marrë inciativën bashkë me familjen time që t’i sjellim dhe i kisha porositur nxënësit që t’i lexojnë këto libra, sepse ardhmëria jonë është tek këta fëmijë dhe libri është i shenjtë, ashtu shkruan edhe në Bibël dhe Kuran që të lexojmë e të mësojmë”, tha Kalanica.

Dhurimin e këtyre librave e mirëpritën nxënësit dhe mësimdhënësit e kësaj shkolle.

“Ky është ish-nxënës i yni, nxënës i shkëlqyer në kohën e tij dhe dashamir i madh i librit, ka qenë lexues i rregullt pasi unë bibliotekën e udhëheqi që 39 vite dhe një ditë takohemi me Zenelin dhe i tregoj që fondi i lekturës është i mangët për shumë tituj dhe më tha që është i gatshëm të më ndihmoj dhe më pas unë kam shkuar i kam marrë librat dhe besoj se kemi zgjedhur lekturë të mjaftueshme për nxënësit nga klasa e parë deri në të nëntën”, tha Ejupi.

“Si mësuese në këtë shkollë më është dashur me punu edhe me lektura dhe e kam pasur mjaft problem meqenëse kam ardhur këtu në bibliotekë dhe ishte e mangët dhe më është dashur me i obligu nxënësit që të shkojnë në librari t’i blejnë, ndërsa tani më nuk ka nevojë, falënderojmë donatorin Zenelin dhe inciativën e arsimtarit Eqrem Ejupi”, tha mësuesja Kaltrina Maka.

“Për neve janë shumë të mira, pasi ne duhet të mësojmë çdo ditë e më shumë që të jemi më të suksesshëm dhe tani që kanë ardhur librat kjo është shumë e mirë për ne”, tha nxënësja Donika Kalanica.

“Lexoj dy orë, unë i marrë librat nga mami im dhe tani që janë edhe në shkollë është shumë mirë”, tha nxënësja Tesa Demaqi.

Donatori i këtyre librave Zenel Kalanica, u zotua se vitin e ardhshëm do ta renovoj shkollën ”Bilall Shala”.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

3 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

4 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim