Ferizaj

Komuna planifikon subvencionimin e bizneseve të vogla dhe të mesme

Published

7 years ago

23 October, 2018

Në dhjetor të këtij viti komuna e Ferizajt do të shpall aplikimin për subvencionimin e bizneseve të vogla dhe të mesme të kësaj komune. Ky projekt me emrin “Fondi i Punësimit”, i cili është njëri ndër premtimet e platformës qeverisëse të kryetarit Agim Aliu, sipas drejtorit të Zhvillimit Ekonomik në Ferizaj Zekir Bytyqit, parasheh që të jap grante për rreth 50 biznese të këtushme. Bytyqi, njoftoi për procedurat dhe kategoritë e bizneseve që parashihen të subvencionohen me këtë projekt.

“Hiç më larg se sot në mbledhjen e bordit vendosëm që në fund të vitit të shpallim aplikimin për thirrje për grante për ndërmarrjet mikro, të vogla dhe të mesme, të cilat synojmë që zgjerimi i i forcimit të kapacitetit të tyre dhe nxitja e punësimit ku siguron qëndrueshmëri të jenë aktive në mënyrë që bizneset e tyre të kontribuojnë në zhvillimin ekonomik të komunës së Ferizajt. Në planet tona kemi paraparë që bizneset duhet të jenë të regjistruara, të jenë aktive, si dhe të punësojnë nga një punëtor më shumë e të cilin duhet ta regjistrojnë në ATK. Parashihet që shuma e subvencionimit për një përfitues të grantit të jetë prej 2 mijë deri në 5 mijë euro, ndërsa kategoria e bizneseve që ka prioritet në këto fonde është ajo që eksporton, janë bizneset prodhuese dhe riprodhuese, por pse jo edhe ato biznese me ide inovative”, tha Zekir Bytyqi.

Përveç këtij lloji të subvencionimit, Drejtoria e Zhvillimit Ekonomik për vitin që vjen ka planifikuar edhe një shumë buxhetore për të ndihmuar bizneset artizanale.

“Ai është një tjetër projekt që kemi me i subvencionu bizneset artizanale që tashmë janë të harruara dhe kemi dashur që sado pak t’iu ndihmojmë, pasi që koha dhe konkurrenca sikur i ka shuajtur, prandaj ne përmes granteve që do t’i japim për ta në një mënyrë do t’i motivojmë dhe stimulojmë ata të vazhdojnë të janë aktiv me punën e tyre në këtë komunë”, tha drejtori Bytyqi.

Në buxhetin e vitit 2019 për subvencionimin e bizneseve të vogla dhe mesme, janë paraparë rreth 150 mijë euro, ndërkaq për bizneset artizanale 10 mijë euro.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

3 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

4 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim