Ferizaj

Ngec procesi i zgjedhjeve për kryetarë të fshatrave dhe zonave urbane

Published

7 years ago

23 October, 2018

U bën një muaj që kur kryetari Agim Aliu përmes një njoftimi në faqe të komunës, shpalli zgjedhjet për kryetarë të fshatrave dhe zonave urbane të Ferizajt, por një proces i tillë ende nuk ka filluar. Drejtoresha e Administratës në Ferizaj Aurora Ramadani, e pranoi se ky projekt ka stagnuar, por thotë se sipas të gjitha gjasave, këto zgjedhje do të përfundojnë brenda këtij viti.

“Siç e dini edhe ju zgjedhjet janë shpallur para një muaji dhe sipas periudhës së caktuar është që ky proces të përfundoj brenda 30 ditësh, mirëpo fatkeqësisht më duhet ta them se paralelisht kanë dalë edhe punë të tjera të rëndësishme siç është edhe çështja e organogramit dhe disa të tjera të cilat na kanë bërë me ngec në këtë drejtim. Megjithatë, procesi mundem me thënë lirshëm se nuk është që ka ngec në total, mirëpo ka ngecje vetëm tek këshillat nismëtar për vendet ku nuk kanë kryetarë të fshatrave, për shkak se në mbledhjen konsultative ata kanë pohuar se këta këshilla disa fshatra vetëm se i kanë formuar dhe tani pritet ta kemi një program të saktë që në bashkëpunim me shoqërinë civile dhe ne si komunë ta zbatojmë në praktikë, këtë proces të zgjedhjeve“, tha drejtoresha Ramadani.

Ky proces i cili për krerët e qeverisjes lokale konsiderohet mjaft i rëndësishëm për të artikuluar kërkesat dhe nevojat e banorëve të zonave rurale dhe urbane, u tha se zgjidhë përfundimisht hendekun e komunikimit dhe përfaqësimit zyrtarë pranë institucioneve përkatëse në nivel lokal. Por, fatkeqësisht, tradicionalisht procesi i këtyre zgjedhjeve i cili sipas rregullores e ka mandatin si ai i Kuvendit Komunal, asnjëherë nuk u realizua siç duhet.

“Pikërisht do të shkoj në të njëjtën formë si deri më tani duke iu përmbajtur rregullores me procedura që janë në rregullore po ashtu edhe me mandatin që parasheh rregullorja. Përndryshe, për çështjen e vonesës mund të them se një rol e kanë luajtur edhe vet kryetarët e zgjedhur të zonave dhe fshatrave se nuk i kemi pasur edhe shumë aktiv, por mund të them se tash e tutje kemi me arritë me i zgjidhë ata përfaqësues jo të politizuar dhe ky proces do të përfundoj ashtu siç e ka qëllimin”, tha Ramadani.

Për t’i organizuar zgjedhjet për kryetarë të fshatrave dhe zonave urbane të Ferizajt, komuna pret bashkëpunim edhe nga organizatat joqeveritare, ku deri më tani të gatshme janë shprehur AVONET-i dhe INPO.

Ndryshe, rregullorja për bashkëpunimin e komunës me fshatrat, vendbanimet dhe zonat urbane është miratuar para 6 viteve, por që nga ajo kohë komuna e Ferizajt asnjëherë nuk e ka përfunduar këtë proces nëpër të gjitha vendbanimet.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

3 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

4 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim