Ferizaj

Punimet në projektin ”Bashkimi i Qytetit” lënë banorët pa ujë

Published

7 years ago

24 October, 2018

Për më shumë se pesë orë një pjesë e qytetit të Ferizajt mbeti dje pa furnizim me ujë. Me një gjendje të tillë, banorët e rrugëve “Dëshmorët e Kombit”, “12 Qershori”, “Madeleine Albright” dhe “Epopeja e Jezercit”, u përballën edhe sot gjatë gjithë ditës, për shkak të punimeve që po realizohen në projektin ”Bashkimi i Qytetit”.

“Nuk kemi ujë prej mëngjesit, as dje, as pardje nuk ka pas, nuk na ka informuar askush, kohë pas kohe po vjen uji, nëse nuk gabohem kjo po ndodhë për shkak të punimeve që janë duke u bërë në rrugën “Epopeja e Jezercit”, tha Beqir Hasani.

“Sot prej mëngjesit nuk ka ujë edhe dje nuk ka pas, është e njëjta situatë prej mëngjesit deri në mbrëmje, me sa e dimë ne për shkak të punimeve ashtu na kanë thënë pasi kemi pyetur vet ne pse s’kemi ujë”, tha Kushtrim Ilazi.

Në kompaninë e ujësjellësit “Bifurkacioni”, thanë se ndërprerjen e ujit po detyrohen ta bëjnë për të mos u dëmtuar gypat e ujësjellësit gjatë punimeve.

“Atje janë duke u zhvilluar disa punime në projektin “Bashkimi Qytetit”, gjatë punimeve të ndërtimit të rrjetit të kanalizimit atmosferik i cili e përshkon atë rrugë kanë hasur në gypin tonë të ujësjellësit gyp FI 225, është gyp i cili furnizon pjesën dërmuese të qytetit, ne jemi detyruar ta ndërprejmë atë linjë për disa orë, sigurisht se ka qenë e paparashikueshme sepse ndonjëherë gjatë punimeve nuk mund t’i parashikosh gjërat, ka ndodhur 5 orë nuk ka pasur ujë një pjesë e qytetit një segment prej 300 metrave, mirëpo nga ora 5 e mbrëmjes është evituar ky problem, gjatë punimeve po hasin në pengesa të ndryshme dhe po detyrohemi edhe ne që ta ndërpresim që mos ta dëmtojnë gypin, detyrohemi ta ndalojmë atë segment derisa të kaloj atë pjesë, jemi duke u munduar mos e pas problem, por ka mundësi që ndonjëherë të dalë jashtë kontrollit, por ne u kërkojmë qytetarëve që të kenë mirëkuptim derisa të kalohet ky segment mandej është një pjesë atje që më nuk ka me pas telashe sepse kalohet edhe gypi i ujësjellësit”, tha Valdet Syla, menaxher i operativës në kompaninë ”Bifurkacioni”.

Punimet në projektin “Bashkimi i Qytetit”, nuk kanë shkaktuar telashe vetëm në ndërprerjen e furnizmit me ujë në këtë pjesë, por edhe në krijimin e kolonave nëpër rrugët e qytetit.

Ndalohet përdorimi, modifikimi dhe shpërndarja për qëllime komerciale pa marrëveshje me Tv Tema.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

3 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim