Ferizaj

Formohet Komiteti i Auditimit në Ferizaj

Published

8 years ago

02 November, 2018

Komuna e Ferizajt ka formuar Komitetin e Auditimit të Brendshëm, puna e së cilit është që të përcjell të gjeturat dhe rekomandimet e auditorit të jashtëm, të shikoj menaxhimin e financave publike, të ofroj këshilla në të gjitha fushat e përgjegjësisë së menaxhimit të buxhetit dhe të jetë mbikëqyrës i shpenzimit të parasë publike dhe i disiplinës financiare në shpërndarjen e buxhetit.

Kryetar i këtij komiteti është emëruar Medain Hashani, i cili tha se ky komitet do të jetë shtylla kryesore e kontrollit dhe menaxhimit të parasë publike.

“Roli jonë në këtë komitet do të jetë që ne ta bëjmë një mbikëqyrje, një kontroll lidhur me menaxhimin e buxhetit të komunës dhe ky buxhet do të kontrollohet edhe në aspektin e matjes së performancës, komiteti jonë do të jetë shumë aktiv në realizimin e objektivave që i përcakton kryetari i komunës, ne do të jemi shtylla kryesore e kontrollit dhe menaxhimit të buxhetit, po ashtu rol të veçantë do të jetë edhe pjesa e objektivave që janë të përcaktuara nga të gjitha drejtoritë dhe menaxhimi i parasë publike konform rregullave dhe programeve që duhet t’i ketë një drejtori”, tha Hashani.

Hashani tha se ky komitet do të angazhohet edhe në kontrollimin e Zyrës së Prokurimit.

“Raportet e auditimit të jashtëm të cilët kanë qenë për komunën e Ferizajt kanë pasur të gjetura dhe rekomandime jo të mira në punën e menaxhimit të buxhetit, kështu që ne të gjitha rekomandimet që janë dhënë nga ana e auditorit të jashtëm do t’i kontrollojmë dhe do t’i monitorojmë të gjitha drejtoritë në kuadër të komunës, në të njëjtën kohë edhe Zyrën e Prokurimit dhe të gjitha rekomandimet që janë dhënë në këtë fushë ne do t’i monitorojmë dhe do t’i japim rekomandimet tona për kryetarin e komunës që të ketë një transparencë më të lartë të menaxhimit të financave publike, por edhe të këtë një transparencë më të lartë për të gjithë qytetarët e komunës sonë”, tha Hashani.

Komiteti i Auditimit i cili do të ketë mandat 3 vjeçar, përveç kryetarit është i përbërë edhe prej anëtarëve: Shkurte Azizi, Elvis Gashi, Nesret Ademi dhe Orges Osmani.

Ferizaj

Gjatë qershorit në Ferizaj janë konfiskuar 74 motoçikleta

Published

2 days ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

5 days ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

5 days ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.