Connect with us

Ferizaj

Hapet Zyra Këshillimore për Mbrojtjen e Konsumatorit në Ferizaj

Published

on

Në objektin e komunës së Ferizajt u hap Zyra Këshillimore për Mbrojtjen e Konsumatorit, me iniciativën e Ministrisë së Tregtisë dhe Industrisë. Ajo do të shërbej për të gjithë qytetarët e kësaj ane, të cilët kanë nevojë të marrin këshilla për t’u ankuar lidhur me çështjet që i preokupojnë si konsumatorë të përditshëm. Kryesuesi i Këshillit për Mbrojtjen e Konsumatorit Sherif Fejzullahu, tha se me hapjen e këtyre zyrave qytetarëve të Kosovës do t’iu kthehet besimi në institucione, por edhe në veprimet që ato do të ndërmarrin sipas ligjeve në fuqi.

Prezenca jonë me seminare, me trajnime dhe me media që jeni roli kryesor, do t’ia bëjmë me dije konsumatorit që e ka lirinë e denoncimit, mos u frikësoni. Unë sa herë flas para mediave them qytetarë të nderuar lëreni vajtimin, por denonconi çfarëdo rasti që ju si konsumatorë mendoni se jeni të shkelur.  Ne i kemi institucionet dhe ju zotohem se çdo kërkesë dhe çdo ankesë do të shqyrtohet si në nivel lokal dhe qëndror. Neve kemi edhe biznesin, edhe shërbimet publike, edhe financat, bankat çdo gjë kontrollojmë, për këtë arsye do të ofrohemi tek konsumatori dhe ai do ta formoj besimin tek institucionet”, tha Fejzullahu.

Për mbrojtjen e konsumatorit një mbështjetje konkrete e dha edhe vet komuna e Ferizajt, me ç’rast hapi një zyre në objektin e saj, si dhe e emëroi një këshilltar i cili do të merret çdo ditë me ankesat dhe kërkesat e qytetarëve.

“Ky është një hap i rëndësishëm për mbrojtjen e konsumatorit, sepse ndikon direkt në shëndetin e tyre dhe në përparimin e  tyre për të avancuar çështjen e ngritjes së të gjitha problemeve që ballafaqohen si konsumatorë”, tha drejtori i Zhvillimit Ekonomik Zekir Bytyqi.

Në hapjen e kësaj zyreje në Ferizaj, mori pjesë edhe kryetari i organizatës ”Konsumatori” Selatin Kaçaniku. Ai bëri thirrje tek qytetarët që ta shfrytëzojnë sa më shumë këtë zyrë këshillimore, sepse sipas tij, gjërat do të lëvizin vetëm atëherë kur qytetarët bëjnë presion në institucione.

“Ju lus që ta shfrytëzoni rastin për t’u informuar dhe përfituar nga kjo zyrë e cila sot është më afër jush. Do të mësoni shumë gjëra të reja për të drejtat që ju keni si konsumatorë, prandaj mund të them lirshëm që Kosova në raportin historik është më afër me këto të drejta duke krahasur me çështje të tjera dhe kjo tani e tutje varet vetëm nga ne, paranë tonë e kemi vet në dorë dhe askush nuk mund të na detyroj të blejmë asgjë pa e shikuar dhe pa e përzgjedhur, prandaj urime”, tha Kaçaniku.

E, derisa këta përfaqësues të institucioneve e uronin zyrtarin Maliq  Muharremin të cilin  kryetari i Ferizajt Agim Aliu  e ka emëruar  udhëheqës të kësaj zyreje, aty rreshtën edhe ankesat. Njëra ndër to ishte prija e duhanit nëpër vende publike.

“Pikërisht për çështjen e duhanit sot kam pasur porosi nga vet ministri i Tregtisë, besoni se më këtë porosi kam ardhur në Ferizaj, që sipas tij ai do ta ngris në nivelet më të larta shtetërore si çështje dhe problem që do vëhet një prioritet më serioz këtyre ditëve“, u shpreh Sherif Fejzullahu.

Ndryshe, nga Këshilli për Mbrojtjen e Konsumatorit që funksionon në kuadër të Ministrisë së Tregtisë dhe Industrisë, u bë e ditur se krahasuar me vitin paraprak në muajt e deritanishëm të këtij viti ka pasur 70% denoncime më shumë nga konsumatorët për çështje të ndryshme.

Continue Reading
Click to comment

Leave a Reply

Your email address will not be published. Required fields are marked *

Ferizaj

Javën e kaluar u raportuan 56 aksidente trafiku në rajonin e Ferizajt

Published

on

Policia në rajonin e Ferizajt ka njoftuar se javën e kaluar ka shqiptuar 1 mijë e 347 gjoba kundërvajtëse dhe janë pezulluar 13 patentë shoferë.

Gjatë periudhës nga 09.06.2025 deri më 15.06.2025, janë shqiptuar 1,347 gjoba kundërvajtëse, si dhe janë pezulluar 13 patentë-shoferë për drejtuesit e mjeteve që kanë kryer shkelje të rënda në trafik, thuhet në njoftim.

Gjithashtu janë raportuar 56 aksidente trafiku, në një prej tyre në person ka vdekur.

– 1 aksident me fatalitet në Kaçanik, ku ka mbetur një person i vdekur

– 24 aksidente me lëndime , ku kanë mbetur të lënduar 30 persona

– 31 aksidente me dëme materiale

Continue Reading

Ferizaj

Teatri “Adriana”reagon ndaj pengesave institucionale: “Një premierë përtej censurës”

Published

on

Teatri “Adriana” ka njoftuar se premiera e shfaqjes “Fluturimi mbi teatrin e Kosovës” është shtyrë për datën 14 qershor 2025, shkaku i pengesave institucionale që trupa ka hasur gjatë përgatitjes së kësaj premiere.

Sipas deklaratës për media, gjatë përgatitjeve për premierën e kësaj shfaqjeje, të caktuar fillimisht për 7 qershor, trupa është përballur me kërkesa për ndërhyrje në tekstin e shfaqjes, mungesë të papritur të buxhetit për materiale skenike dhe pengesa të tjera që, sipas tyre, përbëjnë “një sabotim të heshtur” ndaj artit dhe lirisë krijuese.

Megjithatë, nga teatri konfirmojnë se premiera e shfaqjes “Fluturimi mbi teatrin e Kosovës”, me tekst të Jeton Nezirajt dhe regji të Agon Myftarit, do të mbahet në datën e re, edhe nëse u duhet të riciklojnë kostume dhe skenografi nga prodhime të mëparshme.

Teatri thekson se këto pengesa janë një formë e censurës indirekte ndaj lirisë krijuese, duke theksuar rëndësinë e mbrojtjes së lirive artistike dhe të shprehjes në Kosovë.

“Është paradoksale dhe shqetësuese se si disa individë marrin bajrakun e patriotizmit duke akuzuar tërthorazi artistët si antikombëtarë, dhe në emër të një lloj nacionalizmi primitiv, përpiqen të kufizojnë të drejtën krijuese — për të cilën të njëjtët kanë luftuar në vitet 1998–1999”, thuhet më tej në deklaratë, përmes së cilës, aktorët dhe regjisori i bëjnë thirrje publikut dhe komunitetit artistik të mbështesin shfaqjen dhe të qëndrojnë kundër çdo censure.

“Më 14 qershor, në skenën e Teatrit ‘Adriana’, nuk do të shfaqet vetëm një vepër. Do të shfaqet vetë qëndrimi ynë ndaj lirisë”, thuhet mes tjerash në deklaratë.

#

Continue Reading

Ferizaj

Policia në Ferizaj brenda javës shqiptoi 1310 gjoba trafiku

Published

on

Policia e Ferizajt, gjatë javës së kaluar, ka shqiptuar 1 mijë e 310 gjoba trafiku,  si dhe ka pezulluar 14 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe, policia ka bërë të ditur se kanë  ndodhur gjithsej 36 aksidente, nga të cilat, 13 ishin me të lënduar kurse  23 aksidente të tjera ishin vetëm me dëme materiale.

Continue Reading

Trending