Ferizaj

Mungesa e ujit shqetëson ferizajasit

Published

7 years ago

07 November, 2018

Ka disa javë që banorët e disa lagjeve të qytetit të Ferizajt, po përballen me mungesë të theksuar të ujit. Përveç ndërprerjeve pa paralajmërim, ata janë ankuar se edhe gjatë kohës sa ka furnizim me ujë, sasia e tij është e pamjaftueshme. Për gjithë këtë, në kompaninë e ujësjellësit dhe kanalizimit ”Bifurkacioni”, fajin ia hedhin punimeve që po bëhen në projektin ”Bashkimi i Qytetit”. Megjithatë, ata thanë se janë duke punuar që brenda ditës furnizimi me ujë të stabilizohet.

“Projekti “Bashkimi i Qytetit” ka prekur edhe disa asete tona të kompanisë, është puna tek gypi kryesor i cili është gypi transportues që vjen prej rezervuarit të Fabrikës së Përpunimit të Ujit në Pleshinë deri në qytet, i cili furnizon pjesën më të madhe të qytetit, pikërisht ky gyp në bazë të këtij projekti që është duke u punuar është paraparë që të dislokohet. Kemi pasur ankesa nga qytetarët për arsye se nuk ka pasur sasi të mjaftueshme të ujit, mirëpo kjo ka rezultuar për shkak se ky segment është dashur të dislokohet nga vendi që ka qenë në një vend tjetër, kërkojmë ndjesë nga konsumatorët tanë që kanë pasur mungesë të ujit, por dje është bërë kyqja e këtij gypi, është dislokuar në vendin e caktuar dhe besojmë se sot do të stabilizohet furnizimi me ujë”, tha Valdet Syla, shef i operativës në kompaninë ”Bifurkacioni”.

Syla, tha se për ndërprerjet e furnizimit me ujë kanë bërë paralajmërimet me kohë, mirëpo në fakt, një njoftim i tillë në media është bërë vetëm më datën 1 nëntor.

“Kemi bërë paralajmërime në të gjitha mediat lokale të Ferizajt, janë njoftuar të gjithë qytetarët se do të ketë furnizm me ujë me sasi më të vogël, janë njoftuar edhe rrugët të cilat do të kenë problem, por po e përsëris se sot presim që furnizimin ta bëjmë me kushte normale siç ka qenë edhe herave të tjera dhe deri në fund të ditës do të ketë stabilizim, pasi gypat kanë qenë të zbrazur dhe pritet derisa të bëhet mbushja e tyre dhe mandej të bëhet furnizimi normal”, tha Syla.

Jo zyrtarisht u tha se në disa pjesë të qytetit, sasia jo e mjaftueshme e ujit vjen për shkak të aktivizimit të ujësjellësit në fshatin Bibaj dhe në Fshatin e Vjetër dhe kjo gjendje do të vazhdoj deri në ndërtimin e Fabrikës së Ujit në Talinoc.

Televizioni Tema gjatë ditës ka insistuar të kontaktoj me drejtorin e Shërbimeve Publike Arben Halilin, mirëpo përveç që nuk ndodhej në zyrë, ai nuk u shpreh i gatshëm as ta hapte telefonin.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.