Ferizaj

Asfaltohen disa rrugë në Ferizaj

Published

8 years ago

15 November, 2018

Gati pa ra terri, me buxhet të komunës së Ferizajt në lagjen e re të qytetit u shtruan disa rugica me asfalt. E, për t’i parë nga afër punimet, i pranishëm ishte edhe kryetari i Ferizajt Agim Aliu. Ai tha se moti i mirë ka bërë qe qeverisja lokale të përmbush shumicën e synimeve që ka pasur për investime në infrastrukturë. Aliu u lavdërua se pushteti i tij po i realizon projektet pa vonesa.

“Këtu ku jemi jemi në rrugët “Ali Asllani”, ”Alishefik Spahiu” dhe në rrugën ”Arsim Zeqiri”, projekte keto qe kishin nisur muaj me pare dhe kjo tregon se ne deshirojme jo vetëm të realizojme projekte, por edhe t’i përfundojmë ato me kohë, pasi që edhe po shkaktohet bezdisje tek qytetarët, por edhe po ngrakohen procedurat e kryerjes se shpenzimeve ndaj operatorëve ekonomik. Pra, ne po dëshmojmë se e kemi arritur kete qëllim dhe si rezultat i ketyre investimeve keto lagje do te kene nje pamje krejtësisht te kompletuar, pasi qe ketu do te kete edhe trotuare, po ashtu edhe jane hequr gypat e azbestit”, tha Aliu.

Në këto lagje ku sot asfaltoheshin disa rrugica, ditëve të fundit ka pasur edhe ankesa nga qytetarët që ndërtimet e shumta kanë dëmtuar pothuajse shumë rrugë këndej pari. I pari i Ferizjat, pati përgjigjie dhe për këtë problematikë.

“Unë dëgjoj zakonshëm këtë pyetje dhe dëgjoj pikërisht nga ata qytetarë që jetojnë në ndërtesa të vjetra te ndërtuara para disa dekadave dhe mund të pyes se si janë ndërtuar ato, pikërisht edhe ato janë ndërtuar me makineri të peshave të rënda dhe ne nuk mund t’i shmangim dot mjetet e rënda, por ajo që ne do të kujdesemi është që do t’i zhvillojmë këto projekte dhe t’i vendosim shenjat ku nuk lejohen peshat e rënda dhe pastaj është detyrë e policisë që të merret me këtë problematikë”, tha Aliu.

E, derisa kryetari Aliu çdo ditë po viziton punët e terrenit, sidomos kur bëhen asfaltimet, u pyet nga gazetarët se sa është i kënaqur me cilësinë e punimeve, mirëpo ai nuk pati ndonjë përgjigjie konkrete, veç se tha për çdo devijim të projekteve firmat kontraktuese do të marrin vërejtjet e merituara, gjë të cilën nuk dihet se komuna e ka bërë deri më tani, duke publikuar ndonjë listë që vërteton se firmat kanë marrë vërejtje ose janë ndëshkuar për shkak të asfaltimeve të dobëta.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

8 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.