Ferizaj

Projekti i varrezave të qytetit, akoma duke u hartuar

Published

8 years ago

15 November, 2018

Kaluan 6 muaj që kur Kuvendi Komunal i Ferizajt me shumë urgjencë pati miratuar parcelën për destinimin e varrezave të qytetit, por që nga maji i këtij viti e deri më sot, në vendin ku parashihet destinimi i varrezave të qytetit në Fshatin e Vjetër, nuk ka lëvizur asnjë gur. Ndërkaq, të vdekurit vazhdojnë të varrosen në varrezat e qytetit po në atë gjendje të cilën pushtetarët ferizajas e patën paralajmëruar si alarmuese sa i përket mungesës së hapësirës. Drejtori i Infrastrukturës Arbër Bytyqi, njoftoi se janë në përfundim të hartimit të projektit.

“Sa i përket projektit të varrezave jemi në fazën e fundit të përfundimit të projektit detal dhe pas kësaj faze do të fillojnë edhe procedurat e tjera për shpalljen e tenderit dhe zgjedhjen e kompanisë fituese, pastaj edhe implementimin. Për këtë vit ne do ta bëjmë të qasshme pjesën ku është e ndarë për varreza, do ta bëjmë hapjen e rrugës me zhavor dhe më pas do të krijohen hapësirat për varrezat e atyre që do të varrosen në atë zonë”, tha Bytyqi.

Bytyqi, e pranon se gjendja vazhdon të jetë urgjente, pasi që varrezat e qytetit tashmë janë në fazën kritike të hapësirës dhe zotohet se shumë shpejt zgjidhja do të bëhet në Fshatin e Vjetër.

“Ende është emërgjencë dhe për atë ne do të krijojmë kushte fillestare, kjo do të bëhet në ditët në vijim dhe besoj që brenda një periudhe të shkurtër mund të varrosen të vdekurit në atë zonë dhe pastaj do të mund të vazhdojmë me projektin që e kemi për atë lokacion, i cili parasheh investime të një tipi të parkut andej”, tha Bytyqi.

Ndryshe, në shtator të këtij viti komuna e Ferizajt pati publikuar disa fotografi të një plani se si do të duken varrezat e qytetit, ku sipas këtij plani, aty parashihen rreth 30 mijë vend-varre të ndara në 35 blloqe. Në njoftimin e komunës u pat thënë se prezantimin e këtij plani të organizimit dhe dukjes së tyre, drejtori i Drejtorisë së Urbanizmit dhe Mjedisit Lulzim Aliu, e ka bërë në njërën nga mbledhjet e Këshillit të Drejtorëve, pasi ky dokument ka marrë formën finale pas konsultave me ekspertë të fushës së urbanizmit dhe mjedisit. Varrezat e reja të qytetit kanë një sipërfaqe të përgjithshme prej 21 hektarësh, ku përveç vendeve për varre, pjesa tjetër përfshinë hapësirë gjelbëruese dhe infrastrukturë përcjellëse, godinat e riteve fetare, si dhe 240 vendparkingje.

Ferizaj

Premiera e dramës“Kush është Silvia?” shfaqet të premten në Teatrin e Gjilanit

Published

2 days ago

15 May, 2026

Redaksia

Shfaqja teatrore “Kush është Silvia?” do të ketë premierën këtë të premte, më 15 maj 2026, nga ora 20:00 në Teatrin e Qytetit në Gjilan.

Shfaqja është realizuar sipas dramës “The Goat, or Who is Sylvia?” të autorit Edward Albee,ndërsa përshtatjen dhe dramaturgjinë e ka bërë Fjona Hyseni.

Regjinë e shfaqjes e ka bërë regjisori ferizajas Fatmir Hyseni kurse në role paraqiten Dardane Mehmeti, Kushtrim Qerimi, Xhelal Haliti dhe Valentin Mehmeti.

Organizatorët kanë njoftuar se, përveç premierës së sotme, publiku do të ketë mundësi ta ndjekë edhe reprizën e shfaqjes të shtunën, nga ora 20:00.

Projekti është mbështetur nga Ministria e Kulturës, Rinisë dhe Sportit, ndërsa në realizim kanë ndihmuar edhe Teatri i Qytetit në Gjilan dhe Teatri Adriana i Ferizajt.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

1 week ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

2 weeks ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”