Ferizaj

Përurohet shtëpia e 16-të për këtë vit e ndërtuar nga ”Feniksi”

Published

8 years ago

17 November, 2018

Familja 4 anëtarëshe Shabani nga Ferizaj, e cila deri dje ka jetuar në kushte të rënda, sot i është gëzuar hyrjes në shtëpinë e re, që u ndërtua nga kontributi i vëllezërve Sopa, të cilët janë pronarë të marketit “Eli-Ab”, si dhe shoqata humanitare “Feniks”.

Përveç marketit “Eli-Ab” dhe shoqatës “Feniks”, në ndërtimin e shtëpisë për familjen Shabani kanë kontribuar edhe anëtarë të Këshillit të Bashkësisë Islame në Ferizaj, të cilët kësaj familje i kanë blerë truallin në fshatin Bibaj.

“Sot në këtë ditë gëzimi realizimi i qëllimit tonë u arrit që familjen e Maksut Shabanit me bë me strehim, unë si imam i Xhamisë së Madhe po ndihem mirë sepse inciativa ka rrjedhur prej këshillit të Xhamisë së Madhe dhe po ndihem mirë që kemi arritur me realizu qëllimin tonë, unë i falënderoj të gjithë njerëzit e vullnetit të mirë që kanë kontribuar që sot ta bëjmë familjen Shabani me strehim dhe lus që të gjithë atyre besimtarëve t’ua shtoj të mirat”, tha imami i Xhamisë së Madhe në Ferizaj, Mustafë Ahmeti.

Falënderues ndaj vullnetmirëve që po i ndihmojnë të varfërit, u shpreh kryetari i shoqatës humanitare “Feniks”, Milaim Jashari.

“Afër kësaj shtëpie që sot po e përurojmë gjendet edhe një shtëpi tjetër e përuruar para dy viteve dhe që të dyja janë të ndërtuara nga “Eli-Abi”, i cili sivjet i ka ndërtuar 7 shtëpi, nga 12 mijë euro bëjnë 84 mijë euro dhe nuk është hera e parë që “Eli-Abi” ndihmon këtë kategori, afër 40 shtëpi i ka ndërtuar me neve dhe unë u jam shumë falënderues ndaj kësaj firme, e cila po vazhdon të ndihmoj familjet në nevojë”, tha Jashari.

Ndërtimin e kësaj shtëpie më së shumti e mirëpritën anëtarët e familjes Shabani. Kryefamiljari Maksut Shabani, tha se gëzim më të madh nuk ka përjetuar asnjëherë në jetën e tij.

“I falënderoj të gjithë që më kanë ndihmuar, kemi jetuar në kushte shumë të rënda, kemi jetuar në një dhomë në të cilën nuk besoj se do të mund të jetonte ndonjë njeri, por tani i falënderoj të gjithë që kontribuan e më bën me këtë shtëpi”, tha Shabani.

Kjo është shtëpia e 16 e ndërtuar këtë vit nga shoqata humanitare ”Feniks” në bashkëpunim me donatorë.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

8 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.