Ferizaj

Rritet interesimi për pjesëmarrje në festivalin ”Kosovarja Këndon”

Published

8 years ago

17 November, 2018

Audicioni i Festivalit të Këngës Popullore “Kosovarja Këndon 2018”, për pranimin e interpreteve të këngëve popullore, u mbajt sot në Qendrën e Kulturës në Ferizaj. Udhëheqësi artistik i i këtij festivali Astrit Mustafa, tha se për dallim nga edicionet e fundit këtë vit vërehet interesim më i shtuar për pjesëmarrje në këtë festival.

“Po shihet se sivjet ka një lëvizje, një dyndje të të interesuarave për pjesëmarrje në festivalin “Kosovarja Këndon”, ne tashmë dy javë e kemi hapur audicionin, janë paraqitur një numër i mirë i kandidateve për pjesëmarrje, sot është duke u zhvilluar audicioni dhe ku po seleksionohen më të mirat. Është një sinjal i mirë që ky festival po ringjallet dhe po i rikthehet shkëlqimi, sigurisht duke falënderuar menaxhmentin e Drejtorisë së Kulturës dhe mbështetjes së fuqishme që po e jep kryetari i komunës”, tha Mustafa.

Edhe udhëheqësi i kulturës në Ferizaj Sabri Pajaziti, u shpreh i kënaqur për ngritjen e interesimit të interpreteve për pjesëmarrje në festivalin ”Kosovarja Këndon”.

“Ne jemi në dijeni se misoni që ka pasur festivali “Kosovarja Këndon” për emancipimin e femrës shqiptare në fushën e muzikës e ka përfunduar atë, por ne jemi të interesuar dhe këmbëngulës që ky festival ta ruaj traditën, pasi është i vetmi festival që është live dhe kultivon muzikën popullore. Ne kemi bërë të gjitha lehtësimet që aplikimi të bëhet në formën online dhe siç po shihet është një numër i konsiderueshëm i pjesëmarrëseve dhe jemi shumë të kënaqur”, tha Pajaziti.

Kurse, interpretet e këngës popullore që po synojnë të jenë pjesë e festivalit ”Kosovarja Këndon”, e konsiderojnë privilegj pjesëmarrjen në këtë festival.

“Vijë nga Gostivari i Maqedonisë, për herë të parë do të performoj në këtë festival, kam dëgjuar shumë fjalë të mira për këtë festival dhe ishte kënaqësi e madhe për mua që jam e ftuar të performoj në “Kosovarja Këndon”, tha Fjolla Hiseni, konkurrente.

“Nuk është hera e parë që marrë pjesë në festivalin “Kosovarja Këndon”, kam marrë pjesë edhe herave të tjera ku jam shpërblyer edhe me çmime, sigurisht që përveç se është kënaqësi është edhe përgjegjësi, pasi kemi një orkestër profesionale dhe juri profesionale që di të vlerësoj”, tha Besa Hajdari nga Podujeva.

Edicioni i 46-të i festivalit ”Kosovarja Këndon” do të mbahet më 28 nëntor.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

8 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.