Ferizaj

Nënshkruhet marrëveshje për zbatimin e Programit Nacional për Rininë

Published

8 years ago

19 November, 2018

Kryetari i komunës së Ferizajt Agim Aliu dhe koordinatori Nacional për Kulturë, Rini dhe Sport Rexhep Hoti, nënshkruan sot një memorandum bashkëpunimi për zbatimin e përbashkët të Programit Nacional për Rininë. Sipas përpiluesve të këtij dokumenti qeveritar, programi ka për qëllim krijimin e hapësirës së munguar për të rinjtë, në shërbim të formimit të mundësive për ta zhvilluar dijën dhe talentin, mundësinë e hapësirave për argëtim dhe kreativitet kulturor e sportiv. Kryetari i Ferizajt Agim Aliu, u shpreh i lumtur që Ferizaj është komuna e parë e cila e ka nëshkruar një memorandum të tillë, pasi që tha se edhe platforma e tij politike rininë e sheh si asetin kryesor për ta trajtuar më ndryshe e më me prioritet.

“Ne kemi një rini të mrekullueshme, por ajo nuk mund të jetë e tillë nëse edhe ne nuk kemi programe politike që e ruajnë atë si rini të shëndosh, sigurisht që ky program do të lehtësoj edhe më shumë edhe do të krijoj mundësinë që ata të rinj që sot i kemi në Evropë e që po i shfaqin kapacitete dhe talentet e tyre atje janë pikërisht për shkak të mundësisë, prandaj Programi Nacional për Rininë e ka pikërisht këtë qëllim që ata të kontribuojnë këtu në vendin e tyre”, tha Aliu.

Ky program i cili ka për qëllim përmirësimin e cilësisë në arsim, zhvillimin e shkathtësive sportive dhe atë kulturor, i ka të përfshira tri fusha kryesore: diturinë, mendimin kritik dhe sportin.

“Është për të gjithë nxënësit e Republikës së Kosovës që nuk përjashton asnjë përkatësi gjinore apo të tjera dhe realisht në së bashku me kryetarin e Ferizajt do të fillojmë zbatimin e këtij projekti ku për herë të parë do t’i ofroj rinisë së Kosovës hapësirën që atyre u takon, e rinia e ka hapësirën tek aktivitetet e ndryshme edhe ato që janë të parapara me kurrikulë, por edhe ato që s’janë të përfshira”, tha Hoti.

Në Programin Nacional për Rininë, parashihet mbajtja e garave në nivel vendi në katër nivele kryesore, fillimisht gara në nivelin shkollor, në nivelin komunal, gara në nivelin universitar, si dhe në nivel republikan. U tha se në perspektivë janë paraprë edhe garat ndërshtetërore dhe me diasporën.

Ferizaj

Gjatë qershorit në Ferizaj janë konfiskuar 74 motoçikleta

Published

5 days ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

1 week ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

1 week ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.