Ferizaj

Fondacioni “Dr. Sami Spahiu” dhe shoqata ”Hendifer” në ndihmë të nevojtarëve

Published

7 years ago

20 November, 2018

Për më shumë se një vit fondacioni “Dr. Sami Spahiu”, bashkë me shoqatën “Hendifer” në Ferizaj, çdo muaj ndihmojnë 16 familje në nevojë.

Udhëheqësja e kësaj shoqate Fazile Bungu, thotë se ky fondacion gjatë këtij viti ka ndihmuar rreth 60 familje me pako ushqimore në vlerë prej 50 euro, si dhe ka ndarë shuma financiare për nxënës dhe studentë për t’ua mundësuar shkollimin.

“Ne në terren ofrojmë edhe shërbime sociale tek 65 persona, por për këtë e falënderojmë fondacionin “Dr. Sami Spahiu” që na ka dalë në ndihmë me ushqim për 16 familje, artikuj ushqimor dhe artikuj higjienik, po ashtu një familjes ia siguron për dy fëmijë mujoren për udhëtim për t’u shkolluar, ndërsa këtë muaj kemi hasur në mirëkuptim ku fondacioni ka ndarë një bursë për një anëtare tonën që të vazhdoj fakultetin”, tha Bungu.

Bungu tha se falë mbështetjes që po jep ky fondacion, vullnetarëve të shoqatës ”Hendifer” u është lehtësuar puna në terren.

“Kjo është shumë e mirë për shoqatën, por më e mirë është për komunitetin, se aktiviteti jonë po zhvilllohet më lehtë se që është zhvilluar më parë për arsye se vullnetarët tanë në terren ofrojnë edhe përgatitjen e ushqimit, bëjnë edhe mirëmbajtjen e objektit ku ata jetojnë dhe me këto ndihma është shumë më lehtë, po ashtu kjo ndihmesë nga qytetarët po pritet shumë mirë duke i pasur parasysh nevojat e tyre”, tha Bungu.

Në shoqatën “Hendifer” janë të regjistruar rreth 1700 persona, 420 prej të cilëve vijnë nga komunat përreth.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim