Ferizaj

Mbahet mbledhja e Komitetit për Politikë e Financa

Published

6 years ago

23 November, 2018

“Black Friday” e shënoi edhe Komiteti për Politikë e Financa në komunën e Ferizajt. Mbledhja e sotme e këtij Komiteti nuk zgjati më shumë se gjysmë ore, ku pikat e rendit të ditës kaluan sa hap e mbyll sytë. Pa ndonjë kundërshtim apo sqarim, anëtarët e Komitetit i dhanë dritë jeshile shumë propozimeve të ekzekutivit që të dalin për t’u miratuar në Kuvendin Komunal.

E, propozimet për mbldhjen e ardhshme kryesisht kanë të bëjnë me këmbim të ngastrave kadastrale, dy prej të cilave në fshatrat Sojevë dhe Talinoc të Jerlive, pastaj propozim-vendimi për shpallje të interesit të përgjithshëm në zonat kadastrale Cërnillë, Zaskok dhe Varosh. Në kuadër të pikave të rendit të ditës, Komiteti aprovoi edhe draft-strategjinë komunale për personat me nevoja të veçanta, si dhe propozim-vendimin për miratimin e statutit të teatrit profesionist “Adriana”.

Në mbledhjen e ardhshme të Kuvendit Komunal, pritet të votohet edhe themelimi i muzeut të kujtesës.

Mbledhja e këtij muaji do të mbahet më 30 nëntor.

Ferizaj

Lëndohet një person në vendin e punës në Ferizaj

Published

6 days ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

1 week ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

1 week ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.