Ferizaj

Ramadani raporton për punën e drejtorisë që udhëheq

Published

8 years ago

29 November, 2018

Për t’i prezantuar punët dhe arritjet që kanë shënuar gjatë një viti të qeverisjes, para mediave sot doli drejtoresha me moshën më të re në qeverinë Aliu, Aurora Ramadani.

Kjo drejtoreshë e cila udhëheq me Administratën e komunës, tha se gjatë kësaj periudhe kohore janë përmbushur të gjitha objektivat e parapara.

“Viti që po lëmë pas përmban objektiva të finalizuara dhe të tjera që janë ende në proces për shkak që nevojitet një kohë më e gjatë e përmbushjes së tyre ku në ndërkohë për ato të finalizuarat vlenë të përmendet edhe sistemi i menaxhimit të radhëve tek zyra e gjendjes civile, projekt ky që ka ndikuar në lehtësimin e shërbimeve duke i bërë ato më efikase dhe më të barabarta për qytetarët. Problematikë e zgjidhur këtë vit është edhe riparimi i ashensorit në objektin e komunës, hartimi i rregullores për asgjësimin e dokumentacionit, e cila e hap rrugën drejt një digjitalizimi sa më të shpejtë, po ashtu projekt tjetër që ka pasur për qëllim uljen e shpenzimeve të karburanteve është pajisja e veturave zyrtare me GPS”, u shpreh Ramadani.

Ndërkaq, në kuadër të transparencës dhe llogaridhënies, drejtoresha Ramadani ka treguar se të gjithë punonjësit e Administratës i ka pajisur me kartela të reja për hyrje-dalje.

“Pajisja ose kartela më e re për zyrtarët ka qenë një hap primar për punonjësit apo zyrtarët e këtushëm, të jenë lehtë të identifikueshëm për palët dhe të kenë një paraqitje sa më dinjitoze për institucionin”, tha Ramadani.

Por, kur jemi tek zyrtarët komunal, drejtoresha e Administratës thotë se nuk e dinë numrin e punëtorëve të rinj që ky pushtet gjatë këtij viti i angazhoi si punonjës me kontrata mbi vepër.

“Besoj që nuk jam edhe shumë kompetente për një përgjigje të tillë, pasi që zyra e personelit praktikisht e bëjnë me zyrën e kryetarit. Megjithatë, mund të them se ata punëtorë që janë të angazhuar me kontrata në vepër si punonjës të shërbimeve të veçanta, janë duke punuar njësoj sikur ata që janë të punësuar me vendim dhe po japin një kontribut mjaftë të mirë”, tha Ramadani.

Drejtoresha e Administratës së Përgjithshme Aurora Ramadani, ka njoftuar se komuna e Ferizajt këto ditë do të angazhoj edhe një zyrtar komunal i cili do të shërbej si pikë referuese për qytetarët, në mënyrë që ata të informohen më gjerësisht rreth procedurave administrative e ligjore dhe afateve rreth kërkesave e parashtresave.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.