Ferizaj

Marrëveshja e komunës me ”Caritas Kosova” e paligjshme

Published

8 years ago

30 November, 2018

Marrëveshja e bashkëpunimit dhe bashkëfinancimit në mes të komunës së Ferizajt dhe organizatës “Caritas Kosova” për projektin për ngritjen e përkujdesit social, shëndetësor, shtëpiak dhe ambulantor në Ferizaj, është në kundërshtim me Rregulloren e Ministrisë së Financave Mbi Kriteret, Standardet dhe Procedurat e Financimit Publik të Organizatave Joqeveritare. Kështu thuhet në një dokument të Ministrisë së Financave, të cilin e ka siguruar Lidhja Demokratike e Kosovës në Ferizaj, ku kërkohet që vendimi i marrë nga Kuvendi Komunal të shfuqizohet sepse është në kundërshtim me legjislacionin në fuqi. Këtë e bëri të ditur anëtari i Kuvendit të Ferizajt nga radhët e LDK-së Gëzim Kokollari, pak minuta para se të fillonte seanca e Kuvendit.

“Ministritë e linjës në nivel qendror konkretisht Ministria e Financave ka dhënë rekomandimin që të anulohet propozim kontrata për bashkëfinancim dy palësh në mes të komunës së Ferizajt dhe ”Caritas Kosovës”, ashtu siç kemi thënë edhe ne se është në kundërshtim të plotë me rregulloren nr 04 -2017 të nxjerrë nga Ministria e Financave”, tha Kokollari.

Për këtë vendim të Ministrisë, Kokollari propozoi që të diskutohet në Kuvend, mirëpo votat e pamjaftueshme nuk e lejuan një gjë të tillë. Kryesuesja e Kuvendit Kristina Gashi-Bytyqi, tha se kryetari i komunës dhe vet ajo nuk e posedojnë një dokument të tillë.

“Përderisa nuk e kemi marrë dhe nuk e kemi shqyrtu paraprakisht me kryetarin se çka kërkohet në atë vendim që pretendoni se është kthyer, kur e kemi ne zyrtarisht do ta shqyrtojmë dhe patjetër se do ta kemi edhe në seancë nëse kërkohet nga Ministria”, tha Kristina Gashi-Bytyqi.

Asamblisti i pavarur Nehat Mustafa, tha se qysh në fillim është ditur se kjo marrëveshje nuk është e ligjshme.

“Është bërë interesant kjo çështja e dokumentave, po ka ndërhyrje në ministri për me i nxjerrë më herët, por në të njëjtën kohë po lind dyshimi mos po ka ndërhyrje nga pushteti që me vonu ata sjelljen e dokumentit me kohë, pasi nëse është protokolu atje me 21 nëntor sot është data 30 dhe realisht është kohë e mjaftueshme kur dokumentat vijnë. Pse ka pasur nevojë me u thirrë një seancë gjatë natës dhe me u votu një vendim për të cilin jo vetëm ne që jemi këtu, por edhe ata që janë nëpër zyre e keni ditur se është i jashtëligjshëm dhe nëse e keni ditë që është e jashtëligjshme pse është dashur me u thirrë gjatë natës, qysh u banën votat, a janë votat rezultat i disa listave që dolën”, tha Nehat Mustafa.

“Kishim kërku nga partia institucionale që mos me i kontrabandu dokumentet zyrtare, pasi është një formë institucionale se si udhëtojnë dokumentet. Sa i përket qëndrimit që po prezantoni po tregoni fytyrën e vërtetë të LDK-së, sepse ishit ju para një viti që qanit për 200 punëtorë që nuk kanë mundur me prit vitin e ri dhe në kohën që është ndërprerë është ndërprerë për shkak të borxheve që i keni grumbullu nga ana e juaj, atëherë pse paska bë me u vazhdu ndërsa tani nuk po bën me u bë e re”, tha Arian Imeri nga PDK.

Një dokument të ngjashëm nga Ministria e Administrimit të Pushtetit Lokal, e posedon edhe Grupi i Asamblistëve të Lëvizjes Vetëvendosje në Ferizaj.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

18 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar