Ferizaj

Ekspozitë me punime të personave me nevoja të veçanta

Published

7 years ago

03 December, 2018

Aksesorë të ndryshëm, kartolina e piktura, të gjitha këto janë punime të punuara nga duart e personave me aftësi të kufizuara, të cilat i kanë realizuar për nder të 3 dhjetorit, Ditës Ndërkombëtare të Personave me Aftësi të Kufizuara.

“Kemi bërë kartolina, piktura, punë dore, të gjitha këto janë bërë nga personat me aftësi të kufizuara dhe na ka pëlqyer shumë kjo punë, e kemi bërë me vullnet, u kisha thënë të gjithëve me bë punë dore, piktura, pasi është ndjenjë e mirë, është kreative”, tha Shkodrane Hasani.

“Të gjitha i kemi punuar bashkë, ka punë dore të ndryshme, unë jam ndjerë shumë mirë, shumë rehat sa i kam punuar, është punë shumë e mirë dhe u kisha sugjeruar të gjithëve me punu punë dore”, tha Kadri Haniqi.

“Në ”Handikos” jam që tre muaj, bëjmë aktivitete të ndryshme, bëjmë piktura, aksesorë, jam shumë i lumtur”, tha Kujtim Ibishi.

Të kënaqur me aktivitetet që zhvillohen në shoqatën ”Handikos”, u shprehën edhe prindërit e personave me nevoja të veçanta.

“Unë i kam dy mbesa që vijojnë në ”Handikos”, kanë kaluar shumë vite në shtëpi, kanë qëndruar të mbyllura, ndërsa tani që shkojnë në ”Handikos” mësojnë mësime dhe ky aktivitet që sot është bërë i motivon edhe më shumë ato”, tha Kimete Xhaferri.

Të hollat e grumbulluara nga punimet e personave me aftësi të kufizuara të cilat sot u ekspozuan në Qendrën e Kulturës në Ferizaj, do t’u dedikohen personave që janë të regjistruar në shoqatën ”Handikos” në këtë qytet.

Ferizaj

Arrestohen tre të dyshuar për hajni në disa markete të Ferizajt

Published

2 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: