Ferizaj

Me paratë e çmimit të parë, Goga ndihmon personazhet e fotografisë

Published

8 years ago

11 December, 2018

Në mesin e 115 garuesve të ekspozitës me fotografi që u zhvillua në kuadër të ”Javës Kundër Korrupsionit”, çmimin e parë e fitoi ferizajasja Bardha Goga. Fotografia e kësaj fotografeje të re në moshë, e cila pasqyron realitetin e vendit tonë përmes katër fëmijëve që po siguronin bukën e gojës, arriti të vlerësohet si më e qëlluara e temës së sivjetme të ekspozitës. Fotografja Goga, shprehet e lumtur që puna e saj është vlerësuar kaq lartë përmes një shkrepje që kishte bërë gjatë këtij viti shumë spontanisht.

“Unë besoj se kjo fotografi është vlerësuar për këtë çmim pasi që edhe e jep pikërisht këtë mesazh që vendi ynë është i korruptuar dhe njerëzit janë mjaftë të varfër në këtë vend. Ata fëmijë të cilët shkojnë për çdo ditë për të mbledhur hekura dhe për ta mbajtur familjen janë një realitet i shoqërisë sonë. Ndoshta është pak e vështirë me i fotografu se ne si fotografë nuk do të thotë se ndihemi mirë vetëm për t’i fotografuar dhe për të marrë pjesë në një garë, gjendja e tyre normal që më ka prekur thellë në shpirt. Ndryshe, unë tërë kohën jam me aparat në dorë dhe fotografoj realitetin në vendin tim dhe mundohem që ta paraqes sa më real, nuk bëj ndonjë montazhë me fotot, do të thotë, atë që unë e shoh dhe ma sheh syri e zemra e fotografoj”, u shpreh Goga.

Pas marrjes së këtij çmimi, Bardha Goga ka hulumtuar për fëmijët që i ka fotografuar. Për këtë ajo e ka një tjetër qëllim.

“Mendoj se njerëzit duhet me qenë human, para krejt profesioneve të tjera që i kanë. Unë këto ditë kam hulumtuar, kam pyetur gjithandej se kush mund t’i njoh këta fëmijë, fatmirësisht i gjeta dhe së bashku më një profesoreshë të gjimnazit e cila po bën aktivitete humane, shkuam i vizituam në shtëpi dhe besoni se gjendja e tyre është akoma më e rëndë sesa duket në foto, prandaj me paratë që do t’i marrë nga ky çmim kam vendos që atyre se paku në këtë fundvit t’ua dërgoj disa dhurata dhe veshmbathje, por që për një jetë më të lehtë për ta do të bëjmë një aksion më të gjerë në ditët e ardhshme”, tha Bardha Goga.

Fotografja Bardha Goga, e cila ka studiuar juridikun, tregon se vitin 2018 ia ka kushtuar më shumë fotografisë. Përveç atyre që bënë për qejfin e saj, kjo vajzë e re është vetëpunësuar në biznesin e vet.

“Nuk është se e kam gjetur shumë vetën në juridik, sidomos në shtetin ku jetojmë, pasi e kam parë që pikërisht aty ku mësohet për drejtësinë ka më së shumti padrejtësi, kështu që pasionin tim për fotgrafinë arrita ta bëj viteve të fundit ku edhe e bleva një aparat profesional dhe po vazhdoj kështu me punën e fotografes pa kryer ndonjë kurs apo shkollë. Unë këtë pasion e kam kthyer edhe në profesion, realisht kam arritur ta hap studion time të fotografisë, por pjesën kur unë bëj foto në rrugë apo gjetiu nuk e shoh si përfituese”, tha fotografja Goga.

Fotografja Bardha Goga, me fotografitë e saj synon të jetë pjesë edhe e ekspozitave të tjera që zhvillohen brenda dhe jashtë vendit.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar