Ferizaj

”Ferplast” në mesin e top-ndërmarrjeve për vitin 2018

Published

8 years ago

22 December, 2018

Ministria e Tregtisë dhe Industrisë, ka shpallur top-ndërmarrjet më konkurruese të vitit 2018. Përzgjedhja e ndërmarrjeve është bërë duke u bazuar në kriteret e punësimit, eksportit, veprimtarisë së ndërmarrjeve, kontributeve tatimore dhe aksionarëve. Në mesin e 21 ndërmarrjeve më të suksesshme është edhe Fabrika e Tubave të Plastikës në Ferizaj ”Ferplast”.

Pronari i kësaj fabrike Sadik Krasniqi, tha se nga vlerësimet e bëra nga Ministria e Tregtisë dhe Industrisë, kanë arritur të zgjedhen në mesin e ndërmarrjeve më konkurruese për këtë vit, edhe pse nuk kanë qenë në dijeni për një gjë të tillë.

“Ministria e Tregtisë dhe Industrisë në bazë të vlerësimeve të veta, jo në formë të konkurrimit, por i ka marrë dokumentacionet prej ATK-së, prej Doganës, Trustit ka bërë vlerësimin dhe ka ardhë në përfundim se firma jonë i plotëson kushtet për me marrë mirënjohje për vitin 2018, bazë për këtë ka qenë se kemi zero obligime ndaj shetit, zero obligime ndaj punëtorëve, ndaj furnizuesve tanë, si dhe jemi një ndër firmat që 43% të shitjes e kemi në eksportin rajonal duke përfshirë Shqipërinë, Maqedoninë, Malin e Zi, Greqinë, Bullgarinë dhe disa vende të tjera, pra këto ishin ato kritere që ata i kishin marrë për bazë për të vlerësuar, ndërsa ne nuk kemi qenë të njoftuar deri në momentin kur na kanë lajmëruar se do të na e japin këtë mirënjohje”, tha Krasniqi.

Krasniqi, tha se ndjehen të lumtur që institucionet kanë vlerësuar punën dhe mundin e tyre, duke u zotuar se ky biznes do të vazhdoj të kontribuoj në ekonominë e vendit.

“Ky çmim është një çmim që neve na bën me u ndje mirë për arsye se na kanë vlerësuar se jemi firmë serioze, na bën mirë se ndihemi si kompani që jemi tejet stabile edhe sa i përket likuiditetit financiar jemi në një pozitë shumë të mirë dhe kështu presim që të kemi edhe një shtytje në zhvillimin e mëtutjeshëm të kompanisë sonë. “Ferplast”-i kurrë nuk pushon, gjithmonë mendon për zhvillim dhe të gjitha ato të arritura që i bën në biznes tenton t’i rikthej menjëherë në ekonomi duke bërë përpjekje që gjithnjë të zgjerojmë sferën e prodhimit”, tha Krasniqi.

Kompania “Ferplast” e cila është e themeluar në vitin 1996, posedon 15 linja të prodhimit me një numër prej 105 punëtorëve.

Ferizaj

Gjatë qershorit në Ferizaj janë konfiskuar 74 motoçikleta

Published

1 hour ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

3 days ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

3 days ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.